Samuel I, 16:14 - BAIBLO ALOO NGMAMI KLƆUKLƆU Ɔ

¹⁴ Jehanɛ Yawɛ mumi ɔ je Saul nɔ, nɛ Yawɛ ha mumi yayami ko ba hao lɛ.

Samuel I, 16:14 ပူးပေါင်းရင်းမြစ်များ

Samuel II, 7:15

Se ye suɔmi kɛ mɔbɔ nami ɔ lɛɛ i be jee ngɛ e nɔ gblegbleegble. I be lɛ pee kaa bɔ nɛ i pee Saul, nɔ nɛ i je kɛ je o blɔ mi nɛ o ba ye matsɛ ɔ.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

La 51:11

Koo fie mi kɛ je o hɛ mi, nɛ ko je o Mumi Klɔuklɔu ɔ kɛ je ye mi.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Manyadali 16:20

Delila de lɛ ke, “Samson! Filisti bi ɔmɛ ma mo numi!” Kɛkɛ nɛ Samson hɛ tsɛ̃, nɛ e de ke, “Ma je kpo kaa bɔ nɛ i peeɔ daa a, nɛ ma ya hoso ye he.” Se e li tete kaa Yawɛ je e se.

Manyadali 16:29

Kɛkɛ nɛ Samson ngɔ e nine hiɔ kɛ muɔ kɛ fua kpɛti titima enyɔ ɔmɛ nɛ hɛɛ tsu ɔ kpɛkpɛtɛɛ;

Manyadali 9:23

Kɛkɛ nɛ Mawu ha mumi yayami ko ba puɛ Abimelek kɛ Shekem bi ɔmɛ a kpɛti; nɛ Shekem bi ɔmɛ tsɔ atuã wo Abimelek.

Samuel I, 11:6

Benɛ Saul nu munyu nɛ ɔ, Mawu mumi ɔ ba e nɔ, nɛ e mi mi fu wawɛɛ nitsɛ.

Samuel I, 16:15

Lɔ ɔ he ɔ, Saul tsɔli ɔmɛ de lɛ ke, “Wa kpa mo pɛɛ, mumi yayami ko lɛ Mawu kɛ ngɛ mo haoe nɛ ɔ nɛ.

Samuel I, 16:16

Wa nyɔmtsɛ, mo fa wɔ, o tsɔli ɔmɛ mɔ, nɛ wa ya hla nɔ ko nɛ le saku fiami saminya kɛ ba, konɛ ke Mawu ha mumi yayami ɔ ba o nɔ ɔ, nɛ e fia saku ɔ, nɛ o na he wami ekohu.”

Samuel I, 16:23

Kɛ je jamɛ a be ɔ kɛ yaa a, be tsuaa be nɛ Mawu ma ha mumi yayami ɔ maa ba Saul nɔ ɔ, David ma wo saku ɔ nɛ e maa fia. Kɛkɛ mumi yayami ɔ maa je Saul nɔ, nɛ e hɛ mi ma tsɔ, nɛ e ma na he wami ekohu.

Samuel I, 18:10

E nɔ jena a, mumi yayami ko nɛ je Mawu ngɔ ba Saul nɔ, nɛ e bɔni munyu tumi basabasa ngɛ e we ɔ mi kaa godotsɛ. Jamɛ a be ɔ, David ngɛ kpa saku ɔ fiae kaa bɔ nɛ e peeɔ daa ligbi ɔ. Saul hɛɛ e we akplɔ ɔ ngɛ e dɛ mi,

Samuel I, 18:12

Saul ye David gbeye, ejakaa Yawɛ kɛ David ngɛ; se lɛ Saul ɔ lɛɛ Yawɛ je e se.

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”