Samuel I, 16:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Samuel I, 16:13 ပူးပေါင်းရင်းမြစ်များ

Samuel I, 10:6

Yawɛ mumi ɔ maa ba o nɔ; o maa do, nɛ o ma kpa huhui kaa mɛ, nɛ o ma plɛ pee nɔmlɔ kpa.

Hebribi 1:9

O suɔ dami sane yemi; se mlaa nɔ tɔmi lɛɛ o nyɛ. Enɛ ɔ he je Mawu nɛ ji o Mawu ɔ pɔ mo nu, nɛ o na bua jɔmi kulaa pe o nyɛmimɛ ɔmɛ.”

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Manyadali 11:29

Kɛkɛ nɛ Yawɛ mumi ɔ ba Yefta nɔ; nɛ e ya kpa Gilead kɛ Manase, nɛ e po mi kɛ ho Gilead Mizpa ya. Nɛ́ e je lejɛ ɔ, e pue nɔ kɛ ho Amon bi ɔmɛ a ngɔ ya.

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Mose IV, 27:18

Yawɛ de Mose ke, “Yaa ngɔ Nun binyumu Yoshua, nɛ o kɛ o nine pue e yi mi. Nɔmlɔ nɛ ɔ, ye mumi ɔ ngɛ e mi, nɛ e ma nyɛ ma tsu ní ɔ.

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Matsɛmɛ II, 9:6

Kɛkɛ nɛ Yehu be kɛ sɛ we ɔ mi, nɛ niheyo ɔ plɛ nu ɔ kɛ pue e yi mi, nɛ e de ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘I ngɛ mo nu pɔe kɛ ngɛ mo Yawɛ ma nɛ ji Israel ɔ nɔ matsɛ woe.

Samuel I, 11:6

Benɛ Saul nu munyu nɛ ɔ, Mawu mumi ɔ ba e nɔ, nɛ e mi mi fu wawɛɛ nitsɛ.

Manyadali 14:6

Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.

Mose IV, 11:17

Ma kple si, nɛ i kɛ mo ma ba tu munyu ngɛ lejɛ ɔ. Ma je mumi nɛ ngɛ o mi ɔ eko kɛ ha mɛ. A maa kpee mo kɛ tloo ma a tlomi ɔ, nɛ mo nɔ kake too pɛ o be tlooe hu.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

Hebribi 11:32

Anɛ e hia kaa ma pa de nɔ́ ko lo? Be ngɛ jinɛ i ko sɛɛ nyɛ Gideon, Barak, Samson, Yefta, David, Samuel, kɛ gbali ɔmɛ tsuo a he ní.

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.

Samuel I, 18:12

Saul ye David gbeye, ejakaa Yawɛ kɛ David ngɛ; se lɛ Saul ɔ lɛɛ Yawɛ je e se.

Samuel II, 2:4

Pee se ɔ, Yuda ma nimeli ɔmɛ ba Hebron ba pɔ David nu nɛ a wo lɛ Yuda matsɛ. Benɛ David nu kaa Yabesh Gilead bi ɔmɛ ya pu Saul ɔ,

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 12:7

Natan de David ke, “Mo tutuutu ji jamɛ a nyumu ɔ nɛ! Bɔ nɛ Yawɛ, Israel Mawu ɔ de ji nɛ ɔ nɛ: ‘Imi nɛ i pɔ mo nu nɛ i wo mo Israel matsɛ, nɛ i je mo kɛ je Saul dɛ mi.

Samuel II, 23:1

Ishai binyumu David, nɔmlɔ nɛ Mawu wó e nɔ gojoo, nɛ Yakob Mawu ɔ pɔ lɛ nu; nɔ nɛ po la ngɔngɔɛhi kɛ ha Israel ɔ, e nyagbe munyuhi ji nɛ ɔmɛ nɛ.

La 89:20

I ngɔ ye nu klɔuklɔu ɔ kɛ pɔ ye tsɔlɔ David, nɛ i wo lɛ matsɛ.

Samuel I, 1:19

E nɔ jena a, Elkana kɛ e yi ɔmɛ, kɛ e bimɛ ɔmɛ te si mla, nɛ benɛ a ja Yawɛ ta a, a kpale a se kɛ ho a we mi ya ngɛ Rama. Elkana kɛ e yo Hana na bɔmi, nɛ Yawɛ bu Hana kue fami ɔ tue.

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

La 89:21

Ye nine maa hi e he be tsuaa be, nɛ ma wo lɛ he wami.