Samuel I, 16:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, Samuel bi Ishai ke, “O binyumu ɔmɛ tsuo ji nɛ ɔ lo?” E he nɔ ke, “E piɛ a kpɛti nɔ wayoo pe kulaa a, se lɛɛ e ngɛ tohi hyɛe.” Samuel de Ishai ke, “Tsɔ nɛ a ya ngɔ lɛ kɛ ba; ejakaa wa be si hie, ja e ba hiɛ ɔ.”

Samuel I, 16:11 ပူးပေါင်းရင်းမြစ်များ

Samuel II, 13:3

Se Amnon ngɛ huɛ ko nɛ le nɔ́ he ga tomi saminya. E biɛ ji Yonadab, nɛ e kɛ Amnon peeɔ tsɛngua kɛ tsɛwayo bimɛ; ejakaa Yonadab tsɛ Shimea kɛ David peeɔ nɔ kɛ e senɔ.

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Kronika I, 17:7

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je to lɛmi he ngɛ nga a nɔ, nɛ i ba pee mo ye ma, Israel ganɔ.

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Samuel I, 16:10

Ishai tsa nɔ kikɛ nɛ ɔ kɛ ya si e ngɔ e binyumuhi kpaago kɛ ba Samuel hɛ mi. Se Samuel de Ishai ke, “Yawɛ hlɛ a ti nɔ ko nɔ ko.”

Samuel I, 17:28

Benɛ Davidmɛ awetsɛ Eliab nu nɛ David kɛ nyumu ɔmɛ ngɛ munyu tue ɔ, e mi mi fu David, nɛ e de ke, “Mɛni o ma hlami ngɛ hiɛ ɔ? Nɛ mɛnɔ o si to ɔmɛ nɛ ngɛ nga a nɔ ɔ kɛ ha? I le o nɔ buimi, kɛ o tsui wami kaa ta hwumi ɔ nɛ o ma hyɛmi nɛ ɔ nɛ!”