Samuel I, 15:6 - BAIBLO ALOO NGMAMI KLƆUKLƆU Ɔ

⁶ Saul tsɔ ya de Ken bi ɔmɛ nɛ ji ni komɛ nɛ a nɛmɛ na Israel bi ɔmɛ mɔbɔ benɛ a je Egipt kɛ ma a ke, “Nyɛɛ je Amalek bi ɔmɛ a kpɛti, konɛ ma ko kpata nyɛɛ kɛ mɛ tsuo nyɛ hɛ mi.” Kɛkɛ nɛ Ken bi ɔmɛ je Amalek bi ɔmɛ a he.

Samuel I, 15:6 ပူးပေါင်းရင်းမြစ်များ

Mose I, 15:19

Ken bi, Keniz bi, Kadmon bi,

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Kronika I, 2:55

Womi ngmali a nina nɛ hi Yabez ji nɛ ɔmɛ nɛ: Tirat bi, Shimeat bi, kɛ Sukat bi. Mɛ ji Ken bi nɛ a kɛ Rekab bi ha a sibi gba.

Mose II, 18:19

Lɔ ɔ he ɔ, moo bu mi tue nɛ ma wo mo ga; Mawu nɛ piɛ o he. Moo lɛɛ moo da ma a nane mi ngɛ Mawu hɛ mi, nɛ o ngɔ a sane ɔmɛ kɛ ba fɔ Mawu hɛ mi.

Abɛ Womi 9:6

Kpa bɔmi kɛ nihi nɛ be juɛmi, nɛ o yi nɛ na wami. Hla nile se blɔ!”

Mose IV, 16:34

Israel bi tsuo nɛ ngɛ lejɛ ɔ tu fo benɛ a nu ni ɔmɛ a ngmlaa kpami ɔ. A de ke, “Nyɛ ha waa tu fo, ke pi ja a wɔ hu zugba a maa mii wɔ!”

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

Kpojemi 18:14

Jua yeli ɔmɛ ma de ke, “Ní kpakpahi nɛ e jlo mo kaa o ná a, lɛ tsuo se po; ní babauu nɛ o ná, kɛ o yi nɔ nɛ o fiɛ saminya a, lɛ tsuo bɔ mo, nɛ o be nae hu gblegbleegble.”

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.

Manyadali 4:11

Jamɛ a be ɔ, Ken no ɔ nɛ a tsɛɛ lɛ Heber ɔ tsɔ e he kɛ je Ken bi, nɛ ji Mose ngatsɛ Hobab nina a a he; nɛ e ya ma e bo tsu ɔ ngɛ tso ngua a nɛ ngɛ Zaananim ɔ he, ngɛ Kedesh kasa nya tɔɔ.

Manyadali 5:24

Ken no Heber e yo Yael ɔ, a maa gbaa lɛ pe yihi tsuo nɛ hii bo tsu mi.

Samuel I, 15:5

Kɛkɛ nɛ Saul ba Amalek ma a mi, nɛ e ba wo ka ngɛ kɔ̃ ɔ mi.

Samuel I, 27:10

Ke Akish bi lɛ ke, “Mɛnɔmɛ o ya tua mwɔnɛ ligbi nɛ ɔ?” David ma de lɛ ke e ya tua Yuda leneyi je, aloo Yerameel bi ɔmɛ a zugba a, aloo Ken bi ɔmɛ a zugba a.

Samuel I, 30:29

nihi nɛ ngɛ Rakal, Yerameel bi ɔmɛ, Ken bi ɔmɛ,