Samuel I, 15:28 - BAIBLO ALOO NGMAMI KLƆUKLƆU Ɔ

²⁸ Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 15:28 ပူးပေါင်းရင်းမြစ်များ

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Samuel I, 16:12

Lɔ ɔ he ɔ, Ishai tsɔ nɛ a ya ngɔ lɛ kɛ ba. Ke o hyɛ lɛ ɔ, e tsuɔ papaapa; e hɛngmɛ nɔ tsɔ, nɛ e he hu ngɛ fɛu. Yawɛ de Samuel ke, “Tee si nɛ o pɔ lɛ nu, ejakaa lɛ ji nɛ ɔ nɛ!”

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Samuel I, 18:8

Munyu nɛ ɔ ngɔɛ Saul nya. E mi mi fu wawɛɛ nitsɛ, nɛ e de ke, “A ngɔ akpe nyɔngmahi ngɔ ha David; se imi lɛɛ a ha mi akpehi pɛ. Mɛni pa piɛ mɔ nɛ e ma na pe matsɛ yemi ɔ?”

Samuel II, 3:9

Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Samuel II, 3:18

Jehanɛ lɛɛ be ɔ su; nyɛ tsu he ní. Nyɛ kai kaa Yawɛ wo David si ke, ‘Ma gu ye tsɔlɔ David nine nɔ kɛ kpɔ ye ma, Israel kɛ je Filisti bi ɔmɛ, kɛ a he nyɛli ɔmɛ tsuo a dɛ mi.’ ”

Samuel II, 6:21

David he nɔ ke, “I do kɛ wo Yawɛ hɛ mi nyami. Lɛ nɛ e hla mi ngɛ o tsɛ kɛ e weku kɛ nina nane mi, nɛ e wo mi ganɔ kɛ ha Israel ma a. Ee, ma do kɛ wo Yawɛ hɛ mi nyami daa,

Kronika I, 10:14

se Yawɛ mohu lɛɛ e bi we lɛ ga womi. Enɛ ɔ he je ɔ, Yawɛ gbe lɛ, nɛ e ngɔ e matsɛ yemi ɔ ngɔ ha Ishai bi David.

Samuel I, 25:30

Ní kpakpahi tsuo nɛ Yawɛ wo mo a he si ɔ, ke e na pee ha mo nɛ e wo mo ganɔ ngɛ Israel ɔ,

Matsɛmɛ I, 11:11

nɛ e de lɛ ke, “Akɛnɛ o to o yi mi, nɛ o yi somi nɛ i kɛ mo so ɔ, kɛ mlaahi nɛ i wo mo ɔ a nɔ he je ɔ, i ngɛ mo dee ke, bɔ tsuaa bɔ nɛ pee ɔ, ma kpɔ matsɛ yemi ɔ ngɛ o dɛ, nɛ ma ngɔ kɛ ha o tsɔli ɔmɛ a ti nɔ kake.

Hiob 34:24

E jeɔ nimli nguahi kɛ jeɔ a blɔ hehi, nɛ e ngɔɔ ni kpahi kɛ daa a nane mi; e hia we kaa e hla a sane ɔmɛ a mi.