Samuel I, 15:26 - BAIBLO ALOO NGMAMI KLƆUKLƆU Ɔ

²⁶ Se Samuel de Saul ke, “I kɛ mo be yae; o bui Yawɛ fami ɔ tue, lɔ ɔ he ɔ, lɛ hu e kua mo kaa matsɛ ngɛ Israel.”

Samuel I, 15:26 ပူးပေါင်းရင်းမြစ်များ

Mose I, 42:38

Se Yakob de ke, “Ye bi ɔ kɛ nyɛ be yae; e nyɛmi ɔ gbo, nɛ lɛ nɔ kake too e piɛ. Ke i kɛ lɛ ha nyɛ ɔ, nɔ́ ko ma ya pee lɛ ngɛ blɔ ɔ nɔ. I bwɔ, nɛ nyɛ ma ha nɛ i kɛ aywilɛho maa ya gbeje.”

Samuel II, 12:9

Mɛni he je mɔ nɛ o tɔ Yawɛ mlaa a nɔ, nɛ o pee yayami kaa kikɛ nɛ ɔ ngɛ e hɛ mi? O ha Amon bi ɔmɛ gbe Uria, Hit no ɔ ngɛ ta nga a nɔ, nɛ o ngɔ e yo ɔ kɛ ba pee o yo!

Samuel II, 7:15

Se ye suɔmi kɛ mɔbɔ nami ɔ lɛɛ i be jee ngɛ e nɔ gblegbleegble. I be lɛ pee kaa bɔ nɛ i pee Saul, nɔ nɛ i je kɛ je o blɔ mi nɛ o ba ye matsɛ ɔ.

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Hosea 13:11

I kɛ abofu to matsɛmɛ ha nyɛ, nɛ i kɛ mi mi la kpa mɛ.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

2 Yohane 1:11

Ke nɔ ko ha lɛ hɛ mi ɔ, e tsɔɔ kaa e kɛ lɛ peeɔ kake kɛ tsuɔ ní yayamihi.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Samuel I, 15:31

Lɔ ɔ he ɔ, Samuel kpale e se nɛ e kɛ lɛ ho Gilgal ya, nɛ Saul ya ja Yawɛ.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Samuel I, 28:18

Akɛnɛ o bui Yawɛ tue, nɛ fami nɛ e kɛ mi mi fumi nɛ nya wa fa mo ngɛ Amalek bi ɔmɛ a he ɔ hu o yi nɔ ɔ, enɛ ɔ he je nɛ Yawɛ pee mo nɔ́ nɛ ɔ mwɔnɛ ɔ nɛ.