Samuel I, 15:24 - BAIBLO ALOO NGMAMI KLƆUKLƆU Ɔ

²⁴ Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Samuel I, 15:24 ပူးပေါင်းရင်းမြစ်များ

Mose I, 3:12

Nyumu ɔ he nɔ ke, “Yo ɔ nɛ o ngɔ ba piɛ ye he ɔ, lɛ nɛ ha mi tso ɔ yiblii ɔ eko nɛ i ye.”

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

Samuel II, 12:13

David de Natan ke, “I pee yayami kɛ si Yawɛ.” Natan de lɛ ke, “Yawɛ ngɔ o he yayami ɔ ngɔ pa mo; o be gboe!

Hiob 31:34

I yi nihi babauu a hɛ mi gbeye. Ke ye weku li muɔ mi ɔ, e pee we mi nɔ́ ko nɛ lɔ ɔ he ɔ, ma pee dii nɛ ma ko je kpo.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Mose II, 10:16

Kɛkɛ nɛ Farao ɔ tsɛ Mose kɛ Aaron nɔuu nɛ e de mɛ ke, “I pee yayami kɛ si Yawɛ, nyɛ Mawu ɔ; nɛ nyɛ hu i tɔ̃ nyɛ nɔ.

Mose II, 23:2

Koo nyɛɛ nihi fuu a se kɛ pee nɔ́ yaya; nɛ koo piɛ a he kɛ ye lakpa odase kɛ plɛ dami sane hɛ mi kɛ bu si.

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Yeremia 38:5

Matsɛ Zedekia de mɛ ke, “Saminya! E ngɛ nyɛ dɛ mi; nɔ́ tsuaa nɔ́ nɛ nyɛ suɔ kaa nyɛ maa pee lɛ ɔ, nyɛɛ pee lɛ. I be nyɛe ma tsi nyɛ nya.”

Mose IV, 22:34

Balaam de Yawɛ bɔfo ɔ ke, “I pee yayami; i li kaa mo lɛ o ba po mi ngɛ blɔ ɔ nɔ. Lɔ ɔ he ɔ, ke blɔ nɛ i hia nɛ ɔ dɛ ha mo ɔ, lɛɛ ma kpale ye se mɔ.”

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Samuel I, 15:15

Saul he nɔ ke, “Ye we bi ɔmɛ kpɔ mɛ kɛ je Amalek bi ɔmɛ a dɛ. A baa jijɔ, kɛ na kpakpa amɛ a yi, konɛ a kɛ mɛ ba sã bɔ ha Yawɛ, o Mawu ɔ; se ní nɛmɛ nɛ piɛ ɔ lɛɛ wa kpata mɛ tsuo a hɛ mi.”

Samuel I, 15:30

Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”

Samuel I, 15:9

Saul kɛ e we bi ɔmɛ baa Agag yi, nɛ na kɛ na bi, jijɔ kɛ jijɔ bi kpakpa amɛ, kɛ nɔ́ tsuaa nɔ́ nɛ hi ɔ, a kpataa we a hɛ mi; se níhi nɛ a hiee, kɛ níhi nɛ a he be se nami ɔ lɛɛ a kpata lɛ tsuo pɛpɛɛpɛ hɛ mi.

Samuel I, 2:29

Mɛni he je mɔ nɛ nyɛ peeɔ jiklɔɔ ngɛ bɔ ɔmɛ nɛ i fa ke a kɛ ba ha mi ɔ he? Eli, mɛni he je o buu o binyumu ɔmɛ pe mi ɔ? Mɛni he je o ngmɛ blɔ nɛ a ngɔ bɔ ɔmɛ nɛ ye ma Israel kɛ ba haa mi ɔ e mi kpakpa amɛ kɛ ngɛ a he lɛe, nɛ a ngɛ plɔkee kikɛ nɛ ɔ?

Samuel I, 26:21

Saul he nɔ ke, “I tɔ̃! Ye bi David, moo kpale kɛ ba; i be mo nɔ́ ko nɔ́ ko pee hu, ejakaa o kɛ ye wami ke mi mwɔnɛ ligbi nɛ ɔ. I je kuasia nɛ i tɔ̃ babauu.”