Samuel I, 15:1 - BAIBLO ALOO NGMAMI KLƆUKLƆU Ɔ

¹ Samuel de Saul ke, “Imi lɛ Yawɛ tsɔ nɛ i ba pɔ mo nu kɛ wo mo tsɛ ngɛ Israel ɔ nɛ.

Samuel I, 15:1 ပူးပေါင်းရင်းမြစ်များ

Matsɛmɛ II, 7:1

Se Elisha de ke, “Nyɛɛ bu Yawɛ munyu tue! Yawɛ ke, hwɔɔ maa pee be nɛ ɔ mi ɔ, a maa jua ngma mamu bukɔbukɔ kilo etɛ, sika hiɔ yi kake; nɛ a ma he blɛfo kilo ekpa hu sika hiɔ yi kake ngɛ Samaria ma a agbo ɔ nya.”

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Samuel I, 12:14

Ke nyɛ maa ye Yawɛ, nyɛ Mawu ɔ gbeye, nɛ nyɛ ma sɔmɔ lɛ, nɛ nyɛ be e hɛ mi atuã tsɔe, se nyɛ maa ye e mlaa amɛ a nɔ, nɛ nyɛɛ kɛ nyɛ matsɛ ɔ maa nyɛɛ e se ɔ, lɛɛ e maa hi ha nyɛ.

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.

Samuel I, 9:15

Loko je na nɛ Saul ba Samuel ngɔ ɔ, Yawɛ je e he kpo tsɔɔ Samuel, nɛ e de lɛ ke,

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”