Samuel I, 14:46 - BAIBLO ALOO NGMAMI KLƆUKLƆU Ɔ

⁴⁶ Enɛ ɔ se ɔ, Saul jɔɔ Filisti bi ɔmɛ a se nyɛɛmi, nɛ Filisti bi ɔmɛ kpale kɛ ho mɛ nitsɛmɛ a zugba a nɔ ya.

Samuel I, 14:46 ပူးပေါင်းရင်းမြစ်များ

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Samuel I, 14:47

Benɛ Saul ye Israel nɔ matsɛ ɔ, e kɛ he nyɛli tsuo nɛ bɔle lɛ kɛ kpe ɔ hwu ta: mɛ ji Moab bi, Amon bi, Edom bi, Zoba matsɛmɛ ɔmɛ, kɛ Filisti bi. Nɛ he tsuaa he nɛ e ma gba ta kɛ gu ɔ, e yeɔ kunimi.

Samuel I, 17:1

Jehanɛ Filisti bi ɔmɛ bua a tabo ɔmɛ a nya kɛ ha ta hwumi ngɛ Yuda ma ko nɛ a tsɛɛ Soko ɔ, nɛ a ya to si ngɛ Efes Damim, ngɛ Soko kɛ Azeka a kpɛti.