Samuel I, 14:45 - BAIBLO ALOO NGMAMI KLƆUKLƆU Ɔ

⁴⁵ Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Samuel I, 14:45 ပူးပေါင်းရင်းမြစ်များ

Ni Tsumi 27:34

Lɔ ɔ he ɔ, i kpa nyɛ pɛɛ nɛ nyɛɛ ye ní, ejakaa lɔ ɔ lɛ ma ha nyɛ nɔmlɔ tso he wami. Nɔ́ ko nɔ́ ko be nyɛ ti nɔ ko pee.”

Luka 21:18

se nyɛ yi bwɔmi kake ngmelu tete be laae.

Samuel II, 14:11

Jehanɛ, yo ɔ de ke, “Nɛnɛ, i kpa mo pɛɛ nɛ o fa kue ha Yawɛ, o Mawu ɔ, konɛ nɔmlɔ nɛ ngɛ he blɔ kaa e yeɔ ye bi nɛ be je mi ɔ he lue ɔ, e ko ba pee yayami agbo pe kekle nɔ́ ɔ, kaa e maa gbe ye bi kaketsɛ ɔ hulɔ.” Matsɛ ɔ de lɛ ke, “I na Mawu, o bi ɔ yi bwɔmi kake po be e yi kpɛti jee kɛ nɔ si.”

Matsɛmɛ I, 1:52

Salomo he nɔ ke, “Ke e pee e he nɔmlɔ kpakpa a, a be e yi bwɔmi kake po he tae; ke a na nɔ́ yayami ko ngɛ e he ɔ, lɛɛ a maa gbe lɛ.”

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Mateo 10:30

Se nyɛɛ lɛɛ nyɛ yi bwɔmi tete po a kane lɛ tsuo.

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Ni Tsumi 21:19

Paulo nga mɛ; nɛ bɔ mɛ níhi nɛ Mawu gu e nɔ tsu ngɛ ma je li ɔmɛ a kpɛti ɔ tsuo.

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Yesaya 13:3

Yawɛ tsɛ e ta buli katsɛmɛ ɔmɛ, kɛ e ni klɔuklɔu ɔmɛ, konɛ a gbla ni nɛmɛ nɛ ngɛ a he nɔ woe kɛ ngɛ e mi mi la woe ɔ a tue.

Nehemia 9:27

Lɔ ɔ he ɔ, o ha a he nyɛli ba ye a nɔ, nɛ a hao mɛ. Ngɛ a fimi be ɔ mi ɔ, a fa kue kɛ tsɛ mo, nɛ o bu mɛ tue kɛ je hiɔwe. O mɔbɔ nami babauu ɔ nya a, o ha mɛ hɛ mi nyɛɛli nɛ kpɔ mɛ kɛ je a he nyɛli a dɛ.

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Samuel I, 14:23

kɛ ya po mi ngɛ Bet Aven tɔɔ. Yawɛ he Israel yi wami jamɛ a ligbi ɔ.

Samuel I, 14:46

Enɛ ɔ se ɔ, Saul jɔɔ Filisti bi ɔmɛ a se nyɛɛmi, nɛ Filisti bi ɔmɛ kpale kɛ ho mɛ nitsɛmɛ a zugba a nɔ ya.

Samuel I, 11:13

Se Saul de ke, “Dɛbi, a be nɔ ko nɔ ko gbee mwɔnɛ ɔ, ejakaa mwɔnɛ ligbi nɛ ɔ, Yawɛ he Israel yi wami.”