Samuel I, 14:44 - BAIBLO ALOO NGMAMI KLƆUKLƆU Ɔ

⁴⁴ Saul de lɛ ke, “Yonatan, ja o gbo; ke a gbi mo fii, Mawu kɛ mi nɛ e ye!”

Samuel I, 14:44 ပူးပေါင်းရင်းမြစ်များ

Samuel I, 14:39

I na Yawɛ Israel yi wami helɔ ɔ, kaa ke ji ye bi Yonatan po nɛ pee yayami nɛ ɔ, ja a gbe lɛ.” Se nɔ ko nɔ ko de we nɔ́ ko.

Rut Womi 1:17

He nɛ o ma gbo ngɛ ɔ, lejɛ ɔ ma gbo ngɛ, nɛ lejɛ ɔ nɔuu a maa pu mi ngɛ. Ja gbenɔ pɛ lɛ ma ha nɛ ma si mo; ke pi ja lɛɛ Yawɛ kɛ mi nɛ ye sisiisi.”

Samuel I, 25:22

I na Mawu, benɛ je ke e naa a, ke nyumu kake ngmelu piɛ ngɛ e we bi ɔmɛ a kpɛti fii!”

Abɛ Womi 25:16

Ke o na hwo ɔ, ye bɔ nɛ maa su o nya pɛ, konɛ e ko de mo nɛ o ba vie ngɔ pue si.

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 12:31

Ma a mi bi ɔmɛ nitsɛmɛ lɛɛ e muɔ mɛ kɛ ba nɛ e ba ha mɛ ní tsumi kpakpataa komɛ nɛ a kɛ sauhi kɛ dade gbiɛ slɔɔtohi tsuɔ. Jehanɛ se hu, e nyɛ ni ɔmɛ a nɔ nɛ a sã bliikisi. David pee Amon bi ɔmɛ a ma kpa amɛ tsuo kikɛ nɛ ɔ nɔuu. Lɔ ɔ se ɔ, David kɛ ma a tsuo kpale kɛ ba Yerusalem.

Samuel II, 12:5

David mi mi fu jamɛ a niatsɛ ɔ wawɛɛ nitsɛ, nɛ e de Natan ke, “I na Yawɛ kaa nɔmlɔ nɛ pee nɔ́ nɛ ɔ, ja e gbo!

Samuel II, 3:9

Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Manyadali 11:35

Benɛ Yefta na lɛ ɔ, e kɛ aywilɛho hía e tade ɔmɛ, nɛ e de ke, “Akuanyɛ! Ye biyo, o tsɔ ye tsui kpa! Hyɛ amanehlu nɛ o kɛ ba ye nɔ! I wo Yawɛ si, nɛ i be nyɛe ma kpale ye nya se.”

Samuel I, 3:17

Eli bi lɛ ke, “Mɛni Yawɛ de mo ɔ? De mi nɔ́ tsuaa nɔ́. Ke o laa mi ba a, Mawu maa gbla o tue!”