Samuel I, 14:41 - BAIBLO ALOO NGMAMI KLƆUKLƆU Ɔ

⁴¹ Saul de ke, “Yawɛ Israel Mawu lee, mɛni he je o pui ye nya mi mwɔnɛ ɔ? Ha mi heto kɛ tɛ klɔuklɔu ɔmɛ. Yawɛ Israel Mawu lee, ke imi, loo ye bi Yonatan le nɔ́ nɛ ɔ he nɔ́ ko ɔ, moo tsɔɔ Urim; se ke o ma, Israel nɛ pee yayami ɔ, lɛɛ moo tsɔɔ Tumim.” Sɔ ɔ ya nɔ Saul kɛ e bi Yonatan a nɔ, nɛ Israel he je mi.

Samuel I, 14:41 ပူးပေါင်းရင်းမြစ်များ

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Abɛ Womi 18:18

Ke ni nguahi enyɔ ngɛ nɔ́ he huae ɔ, ja a fɔ sɔ kɛ buá sane ɔ he, loko pɛ ɔ maa jɔ.

Yona 1:7

Lɛ mi bi ɔmɛ de a he ke, “Nyɛ ha nɛ waa fɔ sɔ, nɛ wa kɛ hla nɔ nɛ kɛ amanehlu nɛ ɔ ba wa nɔ.” A pee ja, nɛ sɔ ɔ ya nɔ Yona nɔ.

Ni Tsumi 1:24

Kɛkɛ nɛ a sɔle ke, “Nyɔmtsɛ, mo nɛ o le nimli tsuo a tsui mi, tsɔɔ wɔ ni enyɔ nɛ ɔmɛ a ti nɔ nɛ o hla,

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Samuel I, 14:40

Jehanɛ Saul de Israel ma a tsuo ke, “Nyɛ ya da he kake, konɛ imi hu i kɛ ye bi Yonatan wa ya da he kake.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, moo pee.”

Samuel I, 14:42

Jehanɛ Saul de ke, “Nyɛɛ fɔ sɔ ngɛ i kɛ ye bi Yonatan wa nɔ.” Nɛ sɔ ɔ nɔ Yonatan nɔ.