Samuel I, 14:33 - BAIBLO ALOO NGMAMI KLƆUKLƆU Ɔ

³³ Kɛkɛ nɛ nɔ ko ya de Saul ke, “Hyɛ, ma a ngɛ yayami pee kɛ ngɛ Yawɛ sie kaa a ngɛ lo kɛ muɔ tsuo yee.” Saul de ke, “Nyɛ tɔ̃! Nyɛ kpɛne tɛ agbo ko ba ha mi ngɛ hiɛ ɔ.”

Samuel I, 14:33 ပူးပေါင်းရင်းမြစ်များ

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Mateo 7:5

Osatotsɛ! Je plai ɔ ngɛ mo nitsɛ o hɛngmɛ nɔ kekle. Ke o pee jã loko o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Mose III, 7:26

Jehanɛ hu, nɔ ko nɔ ko kó ye lohwe pɛlitsɛ, loo nane eywiɛtsɛ ko muɔ ngɛ nyɛ hi he ɔmɛ.

Mose III, 7:27

Nɔ tsuaa nɔ nɛ maa ye muɔ ɔ, á je lɛ we; a ko bu lɛ ngɔ si Mawu ma a mi bi ɔmɛ a nɔ hu.

Mose III, 17:10

Ke Israel fɔfɔɛ ko, aloo nɔ ko nɛ ba to nyɛ nubwɔ ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Mose V, 12:16

Se muɔ lɛɛ, kaa niye ní ɔ, nyɛ ko ye; nyɛɛ tsɛ̃ pue zugba kaa nyu.

Mose V, 12:23

Lo kɛ e mi muɔ lɛɛ nyɛ ko ye kɔkɔɔkɔ; ejakaa wami ngɛ muɔ ɔ mi, nɛ e sɛ kaa nyɛ yeɔ lo kɛ e mi wami ɔ tsuo.

Mose V, 15:23

Se a muɔ lɛɛ nyɛ ko ye; nyɛɛ tsɛ̃ ngɔ pue si kaa nyu.

Samuel I, 14:34

E ya nɔ nɛ e de ke, “Nyɛɛ gbɛ fĩa nɛ nyɛ ya de ma a ke, ‘Nɔ tsuaa nɔ nɛ ngɔ e na, loo e to kɛ ba nɛ e ba gbe ngɛ hiɛ ɔ nɛ e ye, konɛ nyɛ ko ye lo kɛ muɔ nɛ nyɛ ba pee yayami kɛ si Yawɛ.’ ” Lɔ ɔ he ɔ, nɔ tsuaa nɔ hɛɛ e na kɛ ba jamɛ a nyɔ ɔ mi ba gbe ngɛ lejɛ ɔ.

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.