Samuel I, 14:3 - BAIBLO ALOO NGMAMI KLƆUKLƆU Ɔ

³ Osɔfo Ahiya hɛɛ efɔd ɔ. Ahiya ji Ikabod nyɛminyumu Ahitub binyumu. Ahitub ji Finehas bibi, kɛ Eli nɛ ji Yawɛ osɔfo ɔ nɛ hi Shilo ɔ bibimibi. Se ma a li kaa Yonatan je a he.

Samuel I, 14:3 ပူးပေါင်းရင်းမြစ်များ

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.

Samuel I, 14:36

Jehanɛ Saul de e we bi ɔmɛ ke, “Nyɛ ha waa ho nɛ wa ya tua Filisti bi ɔmɛ nyɔ mi; waa ha a níhi kɛ yaa si mɔtu, nɛ waa gbe mɛ tsuo pɛpɛɛpɛ.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, mo pee.” Se osɔfo ɔ de ke, “Nyɛ ha wa bi Mawu ga womi lolo.”

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Samuel I, 22:20

Se Abiatar nɛ ji Ahimelek binyumu ɔmɛ a ti nɔ kake lɛɛ a nine sui e nɔ; nɛ e tu fo kɛ ho David ngɔ ya

Samuel I, 4:21

E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.