Samuel I, 14:25 - BAIBLO ALOO NGMAMI KLƆUKLƆU Ɔ

²⁵ Ma a tsuo ba su hue ko mi, nɛ a na hwo nɛ pueɔ si ngɛ zugba.

Samuel I, 14:25 ပူးပေါင်းရင်းမြစ်များ

Mose V, 9:28

Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Mose IV, 13:27

A de Mose ke, “Wa ya slaa zugba a nɛ o tsɔ wɔ e nɔ ɔ; niinɛ, wa na kaa e ji zugba kpakpa nɛ baa ní. Zugba a nɔ tso yiblii komɛ po ji nɛ ɔmɛ nɛ.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.

Samuel I, 14:26

Lejɛ ɔ tsuo pee kɛ hwo sɔuu, se nɔ ko nɔ ko yi; ejakaa ma a tsuo ngɛ kita nɛ Saul ka a gbeye yee.

Abɛ Womi 25:16

Ke o na hwo ɔ, ye bɔ nɛ maa su o nya pɛ, konɛ e ko de mo nɛ o ba vie ngɔ pue si.

Manyadali 14:9

Samson nyla hwo ɔ kɛ wo e dɛ mi, nɛ e ngɛ yee kɛ ngɛ nyɛɛe. Benɛ e ya na e tsɛ kɛ e nyɛ ɔ, e ha mɛ eko nɛ a ye; se e de we mɛ ke jata gbogboe ɔ mi mi nɛ e je hwo ɔ kɛ je.