Samuel I, 14:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Saul kɛ e we bi ɔmɛ tsuo bua a he nya kɛ ya sɛ ta a mi; se basabasa a ha Filisti bi ɔmɛ wo klaate nɔ ngɛ mɛ nitsɛmɛ a sibi a nɔ.

Samuel I, 14:20 ပူးပေါင်းရင်းမြစ်များ

Kronika II, 20:23

Amon bi ɔmɛ, kɛ Moab bi ɔmɛ ya tua Edom bi ɔmɛ, nɛ a kpata a hɛ mi. Benɛ a gbe Edom bi ɔmɛ se ɔ, a plɛ ngɔ kpee a he kɛ ya si a kpata a sibi a hɛ mi.

Manyadali 7:22

Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.

Yesaya 19:2

Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.

Samuel I, 14:16

Saul e buli ɔmɛ nɛ ngɛ Gibea ngɛ Benyamin ɔ na Filisti bi ɔmɛ nɛ a gbɛ fĩa, nɛ́ a ngɛ fo tue nɛ a li he nɛ a yaa.

Ezekiel 38:21

Ma ngɔ haomi slɔɔtoslɔɔtohi babauu kɛ wo Gog he gbeye. Imi, Nyɔmtsɛ Yawɛ lɛ i de. A maa hwu ta gbeyegbeye ko ngɛ yo ɔmɛ a nɔ. Nimli maa hia klaate kɛ wo a sibi.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”

Matsɛmɛ I, 20:21

Matsɛ Ahab nyɛɛ a se nɛ e kpata okpɔngɔ ɔmɛ, kɛ ta zugba lɛ ɔmɛ a hɛ mi, nɛ e pee Siria bi ɔmɛ butuu.