Samuel I, 14:18 - BAIBLO ALOO NGMAMI KLƆUKLƆU Ɔ

¹⁸ Jamɛ a ligbi ɔ, osɔfo Ahiya ji nɔ nɛ ngɛ Mawu somi daka a nɔ hyɛe. Lɔ ɔ he ɔ, Saul de lɛ ke, “Yaa ngɔ Mawu somi daka a kɛ ba hiɛ ɔ.”

Samuel I, 14:18 ပူးပေါင်းရင်းမြစ်များ

Samuel II, 11:11

Uria he nɔ ke, “Israel kɛ Yuda tsuo ngɛ ta hwue, nɛ somi daka a ngɛ a ngɔ. Jehanɛ, ye nyɔmtsɛ Yoab kɛ e we asafoatsɛmɛ ɔmɛ hu pueɔ si ngɛ nga a nɔ; nɛ imi lɛɛ ma ya we mi nɛ ma ya ye ní, nɛ ma nu dã, nɛ i kɛ ye yo ya hwɔ si lo? I na o nane kaa i be nɔ́ nɛ ɔ pee!”

Samuel I, 7:1

Kiriat Yearim bi ɔmɛ ba nɛ a ba ngɔ Yawɛ somi daka a kɛ ho nyumu ko nɛ a tsɛɛ lɛ Abinadab ɔ we mi ya, ngɛ yoku ko nɔ. A wo e binyumu Eleazar osɔfo, konɛ e hyɛ Yawɛ somi daka a nɔ.

Samuel I, 5:2

nɛ a kɛ lɛ ya ma a wɔ ɔ nɛ a tsɛɛ lɛ Dagon ɔ kasa nya ngɛ piɛ ɔ mi.

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Samuel I, 14:17

Lɔ ɔ he ɔ, Saul de e we bi ɔmɛ ke, “Nyɛɛ kane ta buli ɔmɛ nɛ waa le nɔ nɛ be hiɛ ɔ.” Benɛ a kane mɛ ɔ, a na kaa Yonatan kɛ e ta hwumi ní hɛɛlɔ ɔ be lejɛ ɔ.

Samuel I, 14:36

Jehanɛ Saul de e we bi ɔmɛ ke, “Nyɛ ha waa ho nɛ wa ya tua Filisti bi ɔmɛ nyɔ mi; waa ha a níhi kɛ yaa si mɔtu, nɛ waa gbe mɛ tsuo pɛpɛɛpɛ.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, mo pee.” Se osɔfo ɔ de ke, “Nyɛ ha wa bi Mawu ga womi lolo.”

Samuel I, 23:9

Benɛ David na le kaa Saul ngɛ nɔ́ yayami soe kɛ wo e he ɔ, e de osɔfo Abiatar ke, “Ngɔɔ efɔd ɔ kɛ ba hiɛ ɔ.”