Samuel I, 14:13 - BAIBLO ALOO NGMAMI KLƆUKLƆU Ɔ

¹³ Yonatan waa ngɛ e nine kɛ e nakutso nya kɛ kuɔ, nɛ e ta hwumi ní hɛɛlɔ ɔ nyɛɛ e se. Yonatan ya tua Filisti bi ɔmɛ nɛ e tsɛ̃ mɛ ko si; nɛ e ta hwumi ní hɛɛlɔ ɔ gbe mɛ ngɛ e se.

Samuel I, 14:13 ပူးပေါင်းရင်းမြစ်များ

Hebribi 11:34

Hemi kɛ yemi a kɛ gbe la nɛ ngɛ tsoe gegeege ngɛ hehi, hemi kɛ yemi ha a je klaate nya, e ha ni wudɔwudɔhi ba pee katsɛmɛ; a kɛ ta buli nɛ je ma se hwu ta, nɛ a ye kunimi.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

La 18:29

Mo Mawu, o he wami nya a, ma nyɛ ma tu gbogbo kɛ ya tua ye he nyɛli, nɛ ma ye a nɔ.

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Mose V, 28:7

“Yawɛ maa ye nyɛ he nyɛli ɔmɛ tsuo nɛ maa te si kɛ wo nyɛ ɔ a nɔ. Ke a gu he kake kɛ ba tua nyɛ ɔ, a maa gu he slɔɔto kpaago kɛ gbɛ fĩa.

Manyadali 9:54

Kɛkɛ nɛ e tsɛ niheyo ɔ nɛ hɛɛ e ta hwumi ní ɔmɛ esɔesɔ, nɛ e de lɛ ke, “Moo hia o klaate ɔ nɛ o kɛ gbe mi, nɛ a ko ba de ngɛ ye he ke, ‘Yo kpamakpa nɛ gbe lɛ.’ ” Nɛ niheyo ɔ gbɔ lɛ klaate ɔ nɛ e gbo.

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 14:14

Ngɛ a kekleekle buami nɛ ɔ mi ɔ, Yonatan kɛ e ta hwumi ní hɛɛlɔ ɔ gbe nihi maa pee nyingmi enyɔ ngɛ zugba susumi kpa fa kami mi.