Samuel I, 14:12 - BAIBLO ALOO NGMAMI KLƆUKLƆU Ɔ

¹² Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 14:12 ပူးပေါင်းရင်းမြစ်များ

Mose I, 24:42

“Benɛ i ba su vu ɔ he mwɔnɛ ɔ, i fa kue ha Yawɛ ke, ‘Yawɛ, ye nyɔmtsɛ Abraham Mawu, ke o ngɛ hlae nɛ o ha nɛ ye blɔ nyɛɛmi ɔ nɛ da mi ɔ,

Mose I, 24:48

I kpla si nɛ i ja Yawɛ. I je Yawɛ, ye nyɔmtsɛ Abraham Mawu ɔ yi kaa e kpaka mi tɛɛ kɛ ba ye nyɔmtsɛ ɔ weku no ɔ ngɔ, nɛ i ba na e biyo ɔ nɛ ma ba pee ye nyɔmtsɛ ɔ binyumu ɔ yo ɔ.

Samuel II, 5:24

Ke o nu nɔ́ ko nɛ ngɛ pɛe ngɛ tso ɔmɛ a yi mi kaa tabohi a nyɛɛmi ɔ, yaa nɛ o ya tua Filisti bi ɔmɛ; ejakaa Yawɛ nyɛɛ o hɛ mi kɛ yaa nɛ e ya gbe Filisti ta buli ɔmɛ.”

Matsɛmɛ II, 14:8

Ligbi ko ɔ, Amazia tsɔ ya de Israel matsɛ, Yehoash, Yehu bi Yehoahaz bi ɔ ke e ba nɛ e kɛ lɛ ba kpe ngɛ ta nga nɔ.

Manyadali 4:14

Kɛkɛ nɛ Debora de Barak ke, “Tee si! Mwɔnɛ ligbi nɛ ɔ, Yawɛ ngɔ Sisera kɛ wo o dɛ mi. Anɛ pi Yawɛ nitsɛ nɛ hia kɛ nyɛɛ o hɛ mi kɛ yaa a lo?” Lɔ ɔ he ɔ, Barak kple Tabor yo ɔ, kɛ e we bi akpe nyɔngma amɛ ngɛ e se.

Manyadali 7:14

Kɛkɛ nɛ e nyɛmi ɔ he nɔ, nɛ e de ke, “Nɔ́ nɛ ɔ, pi nɔ́ kpa ko; Yoash binyumu Gideon, Israel no ɔ klaate ɔ ji lɔ ɔ nɛ! Mawu ngɔ Midian bi ɔmɛ kɛ a tabo ɔ tsuo ngɔ wo e dɛ mi!”

Manyadali 7:15

Benɛ Gideon nu nlami ɔ nɛ a sɛɛ ɔ kɛ e sisi tsɔɔmi ɔ, e kpla si nɛ e sɔle. Lɔ ɔ se ɔ, e kpale e se kɛ ho Israel ta a mi ya, nɛ e ya de ke, “Nyɛɛ te si! Yawɛ ngɔ Midian tabo ɔ kɛ wo nyɛ dɛ mi!”

Manyadali 9:54

Kɛkɛ nɛ e tsɛ niheyo ɔ nɛ hɛɛ e ta hwumi ní ɔmɛ esɔesɔ, nɛ e de lɛ ke, “Moo hia o klaate ɔ nɛ o kɛ gbe mi, nɛ a ko ba de ngɛ ye he ke, ‘Yo kpamakpa nɛ gbe lɛ.’ ” Nɛ niheyo ɔ gbɔ lɛ klaate ɔ nɛ e gbo.

Samuel I, 14:10

Se ke a ke waa kuɔ kɛ ba a ngɔ ɔ, lɛɛ wa maa ya; ejakaa lɔ ɔ maa tsɔɔ wɔ kaa Yawɛ je mɛ kɛ wo wa dɛ mi.”

Samuel I, 14:13

Yonatan waa ngɛ e nine kɛ e nakutso nya kɛ kuɔ, nɛ e ta hwumi ní hɛɛlɔ ɔ nyɛɛ e se. Yonatan ya tua Filisti bi ɔmɛ nɛ e tsɛ̃ mɛ ko si; nɛ e ta hwumi ní hɛɛlɔ ɔ gbe mɛ ngɛ e se.