Samuel I, 13:7 - BAIBLO ALOO NGMAMI KLƆUKLƆU Ɔ

⁷ ni komɛ hu po Yordan pa a kɛ ho Gad kɛ Gilead zugba amɛ a nɔ ya. Se Saul lɛɛ e ngɛ Gilgal jamɛ a be ɔ kɛ mwɔɔ, nɛ sawale nu nihi nɛ nyɛɛ e se ɔ tsuo.

Samuel I, 13:7 ပူးပေါင်းရင်းမြစ်များ

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose V, 20:8

“Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Mose V, 28:25

“Yawɛ ma ha nyɛ he nyɛli ɔmɛ maa ye nyɛ nɔ. Nyɛ maa gu he kake kɛ ya tua mɛ, se a maa gbɛ nyɛ ngɔ fĩa basaa, nɛ zugba a nɔ matsɛ yemi ɔmɛ tsuo maa ye gbeye ngɛ nɔ́ nɛ ba nyɛ nɔ ɔ he.

Mose V, 3:12

“Benɛ wa ngɔ zugba a, i ha Ruben kɛ Gad wɛtso ɔmɛ zugba nɛ ngɛ Aroer ma a omleyi je ngɛ Arnon pa a kasa nya, kɛ Gilead yo zugba a fa, kɛ e nɔ ma amɛ.

Yoshua 13:11

Gilead, Geshur, Maaka, Hermon yo ɔ, Bashan, kɛ Saleka tsuo piɛ a zugba a he.

Yoshua 13:8

Yawɛ tsɔlɔ Mose ha Manase wɛtso fa a nɛ piɛ ɔ, Ruben wɛtso ɔ, kɛ Gad wɛtso ɔ a weto ní ngɛ Yordan pa a beleku je momo.

Manyadali 7:3

Lɔ ɔ he ɔ, ha nɛ ma a tsuo nɛ nu kaa, ‘Nɔ tsuaa nɔ nɛ ngɛ gbeye yee nɛ e he ngɛ doe ɔ, e kpale kɛ ho we mi ya.’ ” Benɛ Gideon ka mɛ ɔ, nimli akpe nyingmi enyɔ kɛ enyɔ kpale a se; nɛ e piɛ nimli akpe nyɔngma.

Samuel I, 13:8

E mlɛ ligbi kpaago kaa bɔ nɛ Samuel to lɛ ɔ, se Samuel bɛ Gilgal, nɛ ma a bɔni gbɛmi ngɛ e he.

Samuel I, 17:11

Benɛ Saul kɛ Israel tsuo nu munyuhi nɛ Filisti no ɔ ngɛ tue ɔ, a ye gbeye wawɛɛ nitsɛ.

Samuel I, 31:7

Benɛ Israel bi ɔmɛ nɛ ngɛ Yezreel kɔ̃ ɔ se je, kɛ ni nɛmɛ nɛ ngɛ Yordan pa a beleku je ɔ nu kaa Israel ta a gbɛ, nɛ jehanɛ hu, Saul kɛ e binyumu ɔmɛ gbo ɔ, a tu fo kɛ je a ma amɛ a mi; nɛ Filisti bi ɔmɛ ba nɛ a ba hi lejɛ ɔmɛ.