Samuel I, 13:6 - BAIBLO ALOO NGMAMI KLƆUKLƆU Ɔ

⁶ A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Samuel I, 13:6 ပူးပေါင်းရင်းမြစ်များ

Manyadali 6:2

Midian bi ɔmɛ wa Israel bi ɔmɛ yi mi. Midian bi ɔmɛ a he je ɔ, Israel bi ɔmɛ ya tsua muɔhi, tɛ puɔhi, kɛ laami he kpahi kɛ ha a he ngɛ yo ɔmɛ a nɔ.

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Yesaya 42:22

Se amlɔ nɛ ɔ, a fia e ma a ojo, nɛ a nuu ni ɔmɛ kɛ ya wo tsu. A kpɔ a níhi ngɛ a dɛ, nɛ a ha a níhi; nɛ nɔ ko nɔ ko bɛ nɛ e ba je ngmlaa ha mɛ.

Samuel II, 24:14

David de Gad ke, “Sane nɛ ɔ he wa ha mi wawɛɛ nitsɛ! Se kɛ̃ i be suɔe nɛ nimli adesahi nɛ a gbla ye tue. Ha nɛ Yawɛ nitsɛ nɛ gbla wa tue, ejakaa mɔbɔ nalɔ ji lɛ.”

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.

Samuel I, 23:19

Kɛkɛ nɛ Zif bi komɛ ya Saul ngɔ ngɛ Gibea nɛ a ya de lɛ ke, “David ba laa e he ngɛ wa zugba a nɔ ngɛ Horesh, ngɛ Hakila yo ɔ nɔ, ngɛ Yudea nga kplanaa a leneyi je.

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”

Manyadali 20:41

Israel bi ɔmɛ hu plɛ a se, kɛkɛ nɛ sawale nu Benyamin bi ɔmɛ; ejakaa a na kaa sane ye mɛ.

Manyadali 10:9

Jehanɛ se hu, Amon bi ɔmɛ po Yordan pa a, nɛ a kɛ Yuda, Benyamin, kɛ Efraim wɛtso ɔmɛ ya hwu ta. Nɔ́ nɛ ɔ ha nɛ Israel yi fi wawɛɛ nitsɛ.

Yoshua 8:20

Benɛ Ai bi ɔmɛ hyɛ a se ɔ, ne la su ku nɛ ngɛ jee ngɛ ma a mi kɛ yaa hiɔwe. A nɛ he nɛ a maa ma fo kɛ gu. Ejakaa Israel bi ɔmɛ nɛ ngɛ fo tue kɛ gu nga a nɔ blɔ ɔ plɛ a hɛ mi kɛ kpee mɛ jehanɛ.

Samuel I, 7:7

Filisti bi ɔmɛ nu kaa Israel bi ɔmɛ ya bua a he nya ngɛ Mizpa, nɛ Filisti matsɛmɛ enuɔ ɔmɛ hia konɛ a ya tua mɛ ngɛ lejɛ ɔ. Benɛ Israel bi ɔmɛ nu he ɔ, a ye gbeye,

Samuel I, 13:15

Samuel je Gilgal nɛ e pue nɔ kɛ ho Gibea ya ngɛ Benyamin. Benɛ Saul kane nihi nɛ kɛ lɛ ngɛ lejɛ ɔ, e ná maa pee nyumuhi lafa ekpa.

Samuel I, 14:22

Jehanɛ hu, Israel bi tsuo nɛ ya laa a he ngɛ Efraim yo ɔmɛ a nɔ ɔ, benɛ a nu kaa Filisti bi ɔmɛ ngɛ fo tue ɔ, mɛ hu a ba piɛ a nyɛmimɛ ɔmɛ a he nɛ a kɛ nyɛɛ Filisti bi ɔmɛ a se

Yeremia 41:9

Vu ɔ nɛ Ishmael sake nihi tsuo nɛ e gbe ɔ a gbogboe ɔmɛ kɛ wo mi ɔ, jamɛ a vu ɔ, Matsɛ Asa lɛ tsua. Matsɛ ɔ tsua vu nɛ ɔ be mi nɛ Israel matsɛ, Baasha ba tua lɛ ɔ. Vu nɛ ɔ mi lɛ Netania bi Ishmael sake ni gbogboe ɔmɛ kɛ wo tɔ ɔ nɛ.

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Samuel I, 31:7

Benɛ Israel bi ɔmɛ nɛ ngɛ Yezreel kɔ̃ ɔ se je, kɛ ni nɛmɛ nɛ ngɛ Yordan pa a beleku je ɔ nu kaa Israel ta a gbɛ, nɛ jehanɛ hu, Saul kɛ e binyumu ɔmɛ gbo ɔ, a tu fo kɛ je a ma amɛ a mi; nɛ Filisti bi ɔmɛ ba nɛ a ba hi lejɛ ɔmɛ.