Samuel I, 13:5 - BAIBLO ALOO NGMAMI KLƆUKLƆU Ɔ

⁵ Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.

Samuel I, 13:5 ပူးပေါင်းရင်းမြစ်များ

Samuel I, 14:23

kɛ ya po mi ngɛ Bet Aven tɔɔ. Yawɛ he Israel yi wami jamɛ a ligbi ɔ.

Yoshua 11:4

Matsɛmɛ nɛ ɔmɛ hia ta kɛ a tabo ɔmɛ, kɛ a we okpɔngɔ ɔmɛ, kɛ a ta zugba lɛ ɔmɛ tsuo pɛpɛɛpɛ. A hiɛ babauu kaa wo nya zia.

Yoshua 18:12

A huzu nɛ ngɛ omleyi je ɔ je Yordan pa a nya, nɛ e kuɔ kɛ ya gu Yeriko kasa nya, ngɛ omleyi je, kɛ nyɛɛ yo ɔmɛ a nɔ kɛ ho bonyoku je ya; nɛ e ya gbe nya ngɛ Betaven zugba kplanaa a nɔ.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 5:8

Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Yesaya 48:19

Nyɛ ngmɛdu ko hiɛ babauu kaa zia, nɛ i ko hyɛ a nɔ saminya, konɛ a hɛ mi ko kpata gblegbleegble.”

Kronika II, 1:9

Yawɛ Mawu lee, si nɛ o wo tsaatsɛ ɔ, moo ye nɔ koo. O wo mi matsɛ ngɛ ma nɛ a he hiɛ babauu kaa zugba zu nɛ ɔ a nɔ,

Manyadali 7:12

Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Yoshua 7:2

Yoshua tsɔ nihi kɛ je Yeriko ke a ya slaa Ai nɛ ngɛ Betaven kasa nya, ngɛ Betel beleku je ɔ. Benɛ a kpale kɛ ba a,

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Samuel I, 7:13

Bɔ nɛ a plɛ kɛ ye Filisti bi ɔmɛ a nɔ ji nɛ ɔ nɛ. Samuel yi nɔ ɔ, Yawɛ ngmɛ́ blɔ nɛ Filisti bi ɔmɛ ya tua Israel ngɛ a zugba a nɔ hu.

Samuel I, 13:2

e hla nyumuhi akpe etɛ kɛ je Israel bi ɔmɛ a kpɛti; e kɛ akpe enyɔ hi Mikmash kɛ Betel yo ɔ nɔ, nɛ e binyumu Yonatan hu kɛ akpe hi Gibea ngɛ Benyamin. Ni nɛmɛ nɛ piɛ ɔ, Saul wo mɛ blɔ kɛ ho a wehi a mi ya.

Samuel I, 13:11

Se Samuel bi lɛ ke, “Mɛni o pee nɛ ɔ?” Saul he nɔ ke, “Ma a ngɛ gbɛe kɛ ngɛ fĩae ngɛ ye he, nɛ mo hu o bɛ be nɛ o to mi ɔ. Jehanɛ se hu, Filisti bi ɔmɛ ngɛ a he nya buae ngɛ Mikmash.

Samuel I, 17:1

Jehanɛ Filisti bi ɔmɛ bua a tabo ɔmɛ a nya kɛ ha ta hwumi ngɛ Yuda ma ko nɛ a tsɛɛ Soko ɔ, nɛ a ya to si ngɛ Efes Damim, ngɛ Soko kɛ Azeka a kpɛti.

Samuel II, 17:11

Imi lɛɛ, ga nɛ ma wo mo ji kaa o ha nɛ a bua Israel tsuo nya ha mo kɛ je Dan kɛ yaa si Beersheba. A he nɛ hiɛ babauu kaa wo nya zia, nɛ mo nitsɛ o nyɛɛ a hɛ mi kɛ ya ta a.

Matsɛmɛ I, 20:27

Israel bi ɔmɛ hu bua a he nya, nɛ a dla a he kɛ niye ní, nɛ a hia ya pue si ngɛ kuu enyɔ a mi ngɛ Siria bi ɔmɛ a hanɔ. Ke o hyɛ bɔ nɛ Siria bi ɔmɛ ha zugba a tsuo hɛ mi kɛ kpe, nɛ o kɛ mɛ to Israel bi ɔmɛ a he ɔ, Israel bi ɔmɛ pee kaa apletsi kuu nyafinyafi enyɔ pɛ.

Yesaya 10:28

He nyɛli ɔmɛ a ta a je Rimon ba ngɔ Ai ma a! Ta a ya gu Migron! A kɛ a tlomi ɔmɛ ya to si ngɛ Mikmash!

Samuel I, 14:52

Saul be ɔ mi ɔ, daa nɛ ɔ, Israel bi ɔmɛ, kɛ Filisti bi ɔmɛ ngɛ ta nɛ nya wa hwue. Lɔ ɔ he ɔ, be tsuaa be nɛ Saul na nyumu oblai, loo katsɛ ko pɛ e ngɔ lɛ ngɔ piɛ e he.