Samuel I, 12:5 - BAIBLO ALOO NGMAMI KLƆUKLƆU Ɔ

⁵ Samuel de mɛ ke, “Yawɛ, kɛ nɔ nɛ e wo lɛ matsɛ ɔ ji ye we odasehi mwɔnɛ ɔ, kaa nyɛ nɛ nɔ́ ko nɔ́ ko ngɛ ye he.” A he nɔ ke, “Ee, Yawɛ ji wa we odase.”

Samuel I, 12:5 ပူးပေါင်းရင်းမြစ်များ

Mose I, 31:50

Laban ya nɔ nɛ e de ke, “Ke o ya wa ye biyi ɔmɛ yi mi, aloo o ya ngɔ yi kpa komɛ ngɔ piɛ a he nɛ i li po ɔ, kai kaa Mawu ji imi kɛ mo wa we odase.

Hiob 16:19

Amlɔ nɛ ɔ tete po, ye we odase ngɛ hiɔwe; nɔ nɛ ma fa ye he ɔ ngɛ hiɔwe lokoo.

Hiob 42:7

Benɛ Yawɛ kɛ Hiob tu munyu ta a, Yawɛ de Elifaz, Teman no ɔ ke, “Ye mi mi fu o kɛ o huɛmɛ enyɔ ɔmɛ tsuo; ejakaa nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

Yohane 18:38

Pilato bi lɛ ke, “Mɛni ji anɔkuale?” Enɛ ɔ se ɔ, Pilato kpale je kpo ekohu kɛ ya Yuda bi ɔmɛ a ngɔ, nɛ e ya de mɛ ke, “Imi lɛɛ i nɛ sane yobu ko kulaa ngɛ e he nɛ ma da nɔ kɛ bu lɛ fɔ.

Ni Tsumi 23:9

Huhui ɔ nya ba wa, nɛ mlaa tsɔɔli ɔmɛ nɛ ngɛ Farisi bi ɔmɛ a se ɔ te si kɛ pɛ wawɛɛ, nɛ a de ke, “Wɔɔ lɛɛ wa nɛ nɔ́ yaya ko ngɛ nɔmlɔ nɛ ɔ he! Alini mumi ko, loo hiɔwe bɔfo ko kɛ lɛ tu munyu niinɛ!”

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Ni Tsumi 24:20

Nihi nɛ daa si ngɛ hiɛ ɔ amlɔ nɛ ɔ, mɛ nitsɛmɛ po, ke a na nɔ́ ko nɛ dɛ ngɛ ye he benɛ i daa si ngɛ kpe ngua a hɛ mi ɔ, a de.

1 Korintobi 4:4

Ye he nile tete bui mi fɔ, se enɛ ɔ tsɔɔ we kaa lɔ ɔ he ɔ, i yeɔ nguɔ. Nyɔmtsɛ ɔ ji nɔ nɛ kojoɔ mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Samuel I, 12:4

Ma a he nɔ ke, “Dɛbi, o yi wɔ amimi; o wɛ wɔ yi mi, nɛ o kpɔ we nɔ́ ko ngɛ nɔ ko dɛ.”

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”