Samuel I, 12:3 - BAIBLO ALOO NGMAMI KLƆUKLƆU Ɔ

³ Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”

Samuel I, 12:3 ပူးပေါင်းရင်းမြစ်များ

Samuel II, 22:22

I ye Yawɛ mlaa amɛ a nɔ; i ji ye Mawu ɔ se.

Nehemia 5:11

Hiɔhi tsuo nɛ a hɛɛ nyɛ ɔ, nyɛ ngɔ ke mɛ: sika jio, blɛfo jio, wai jio, oliv nu jio; nɛ nyɛɛ kpale a ngmɔ ɔmɛ, a wai ngmɔ ɔmɛ, oliv abɔɔ ɔmɛ kɛ a we ɔmɛ kɛ ha mɛ amlɔ!”

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Mose II, 23:8

Ko he nyɔ mi ní; ejakaa nyɔ mi ní hemi yuɔ tsɔli a hɛngmɛ, nɛ a plɛɔ dali a sane hɛ mi ngɔ buɔ si.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

Mose III, 6:4

Ke nɔ ko pee yayami nɛ ɔmɛ eko ɔ, bɔ tsuaa bɔ nɛ ji ɔ, e to nane mi sisiisi ha nɔ nɛ e tɔ̃ e nɔ ɔ. Ligbi nɛ a maa bu lɛ fɔ ɔ, e wo nɔ ɔ hiɔ ɔ sisiisi, nɛ e ngɔ nɔ́ ɔ jua a mi dlami enuɔ mi kake kɛ bɔ he ha nɔ ɔ.

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

2 Korintobi 12:14

Amlɔ nɛ ɔ, i dla ye he nɛ ma ba slaa nyɛ si etɛne. I bɛ nɛ ma ba pee tlomi ngɛ nyɛ kuɛ nɔ; nyɛ he i ma ngɛ, se pi nyɛ sika he. Pi bimɛ nɛ sa kaa a hyɛɛ a fɔli a nɔ; e sa kaa fɔli mohu nɛ hyɛ a bimɛ a nɔ.

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Samuel I, 12:4

Ma a he nɔ ke, “Dɛbi, o yi wɔ amimi; o wɛ wɔ yi mi, nɛ o kpɔ we nɔ́ ko ngɛ nɔ ko dɛ.”

Samuel I, 12:5

Samuel de mɛ ke, “Yawɛ, kɛ nɔ nɛ e wo lɛ matsɛ ɔ ji ye we odasehi mwɔnɛ ɔ, kaa nyɛ nɛ nɔ́ ko nɔ́ ko ngɛ ye he.” A he nɔ ke, “Ee, Yawɛ ji wa we odase.”

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Samuel I, 24:7

David kɛ munyu nɛ ɔmɛ jɔɔ e we bi ɔmɛ a he, nɛ e ngmɛ́ mɛ blɔ nɛ a pee Saul nɔ́ ko. Pee se ɔ, Saul je tɛ puɔ ɔ mi, nɛ e ma e blɔ ɔ nɔ.

Samuel I, 26:11

Yawɛ hiɔ kaa nɔmlɔ nɛ lɛ, Yawɛ nitsɛ e wo lɛ matsɛ ɔ, ma pue e muɔ si. Ha waa kɛ̃ akplɔ ɔ nɛ ngɛ e yi tetle mi ɔ, kɛ nyu kɛ kplu ɔ, nɛ waa ho.”

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”