Samuel I, 12:24 - BAIBLO ALOO NGMAMI KLƆUKLƆU Ɔ

²⁴ Nɔ́ nɛ sa nyɛ peemi kɛkɛ ji nyɛɛ ye Yawɛ gbeye, nɛ nyɛ kai ní nguahi nɛ e pee ha nyɛ ɔ.

Samuel I, 12:24 ပူးပေါင်းရင်းမြစ်များ

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

La 119:80

Ha nɛ ma ye o mlaa amɛ a nɔ sisiisi, konɛ zo ko gbe mi!

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Matsɛmɛ II, 17:39

Nyɛɛ ye imi Yawɛ, nyɛ Mawu ɔ gbeye; nɛ ma je nyɛ kɛ je nyɛ he nyɛli ɔmɛ tsuo a dɛ mi.”