Samuel I, 12:23 - BAIBLO ALOO NGMAMI KLƆUKLƆU Ɔ

²³ Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Samuel I, 12:23 ပူးပေါင်းရင်းမြစ်များ

Matsɛmɛ I, 8:36

moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.

Kronika II, 6:27

Yawɛ lee, moo bu mɛ tue ngɛ hiɔwe, nɛ o ngɔ o tsɔli ɔmɛ, nɛ ji Israel ma a a he yayami ɔmɛ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ lee, ha nɛ hiɔmi nɛ nɛ ngɛ o zugba a nɛ o ngɔ ha o ma a kaa a weto ní kɛ yaa neneene ɔ nɔ.

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

La 34:12

Mɛnɔ lɛ suɔ kaa e na bua jɔmi ngɛ je mi? Mɛnɔ lɛ suɔ kaa e se nɛ kɛ ngɛ je mi, nɛ e fiɛ e yi nɔ?

Mose II, 32:30

E nɔ jena a, Mose de ma a ke, “Nyɛ pee yayami agbo. Se kɛ̃, ma kuɔ yo ɔ kɛ ya Yawɛ ngɔ, kaa alini e maa nu ye gbi, nɛ e maa ngɔ nyɛ he yayami ɔ ngɔ pa nyɛ lo.”

Abɛ Womi 4:11

I tsɔɔ mo nile, kɛ blɔ nɛ da nɛ sa nɛ o nyɛɛ nɔ.

Fiɛlɔ 12:10

E bɔ mɔde kaa e maa ngma munyuhi nɛ ngɔɔ. Nɛ níhi nɛ e ngma a, anɔkuale sɔuu.

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 27:18

Ke gbali ji mɛ niinɛ, nɛ a na ye sɛ gbi ɔ, ha nɛ a fa kue ha imi Yawɛ Tabohiatsɛ ɔ mohu, konɛ ma ko ngmɛ blɔ nɛ a ba muɔ juetli nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem kɛ ho Babilonia ya.”

Yeremia 42:4

I he nɔ ke, “Saminya! Ma kpa Yawɛ, wa Mawu ɔ pɛɛ ha nyɛ, kaa bɔ nɛ nyɛ bi ɔ; nɛ nɔ́ tsuaa nɔ́ nɛ Yawɛ ma de mi ɔ, ma ba bɔ nyɛ. I be nyɛ nɔ́ ko nɔ laae.”

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Ni Tsumi 12:5

Enɛ ɔ he ɔ, e tsi Petro nya ngɛ tsu ɔ mi; se Kristo asafo ɔ kpa Mawu pɛɛ wawɛɛ kɛ ha Petro.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

1 Korintobi 9:16

Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

1 Tesalonikabi 3:10

Daa nyɔ kɛ pia a, wa kpaa lɛ pɛɛ kɛ wa tsui tsuo kaa waa na nyɛ hɛ mi kɛ hɛ mi, konɛ waa wo nyɛ hemi kɛ yemi ɔ mi he wami.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 8:6

Se e ngɔɛ Samuel nya kaa ni ɔmɛ bi ke a ha mɛ matsɛ. Lɔ ɔ he ɔ, Samuel fa kue ha Yawɛ;