Samuel I, 12:20 - BAIBLO ALOO NGMAMI KLƆUKLƆU Ɔ

²⁰ Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.

Samuel I, 12:20 ပူးပေါင်းရင်းမြစ်များ

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 40:4

A gbaa nɔ nɛ ngɔɔ e hɛ kɛ fɔɔ Yawɛ nɔ, nɔ nɛ ya nyɛɛ we he nɔ woli a se, nɔ nɛ ya piɛ we amaga jali a he kɛ ja we lakpa mawuhi.

Mose II, 23:25

O ma ja imi Yawɛ, o Mawu ɔ, nɛ ma gbaa mo kɛ nya mi ngma, kɛ nyu, nɛ o be hiɔ nue.

Mose II, 32:30

E nɔ jena a, Mose de ma a ke, “Nyɛ pee yayami agbo. Se kɛ̃, ma kuɔ yo ɔ kɛ ya Yawɛ ngɔ, kaa alini e maa nu ye gbi, nɛ e maa ngɔ nyɛ he yayami ɔ ngɔ pa nyɛ lo.”

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 11:16

Nyɛɛ hyɛ nɛ hi kɛkɛ, konɛ a ko mlɔɔ nyɛ kɛ je Yawɛ he kɛ ya ja mawu kpahi, nɛ nyɛ sɔmɔ mɛ.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Yoshua 23:6

Lɔ ɔ he ɔ, nɔ́ tsuaa nɔ́ nɛ a ngma ngɛ Mose mlaa womi ɔ mi ɔ, nyɛɛ ye nɔ sisiisi. Nyɛ ko si eko,

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”