Samuel I, 12:19 - BAIBLO ALOO NGMAMI KLƆUKLƆU Ɔ

¹⁹ nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 12:19 ပူးပေါင်းရင်းမြစ်များ

Mose II, 9:28

Nyɛ kpa Yawɛ pɛɛ! Hiɔwe simi kɛ gbiɛ ngo ngu nɛmi nɛ ɔ ba hiɛ. Ma ngmɛɛ nyɛ he nɛ nyɛɛ ho; i be nyɛ nya tsie hu.”

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Mose II, 10:17

Lɔ ɔ he ɔ, i kpa nyɛ pɛɛ, nyɛ ngɔ pa mi si kake nɛ ɔ pɛ, nɛ nyɛ kpa Yawɛ, nyɛ Mawu ɔ pɛɛ ha mi nɛ e je gbenɔ tue gblami nɛ ɔ pɛ kɛ je ye nɔ.”

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

Malaki 1:9

Lɔ ɔ he ɔ, nyɛ osɔfohi, nyɛɛ ka kaa nyɛ maa fa kue ha Mawu, konɛ e na wɔ mɔbɔ. Ke nyɛ hɛɛ nike ní kaa kikɛ nɛ ɔ kɛ ba a, anɛ Mawu maa bu nyɛ kue fami ɔ tue lo?

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Samuel I, 7:8

nɛ a de Samuel ke, “Moo hi kue fae kɛ hi Yawɛ, wa Mawu ɔ hae, konɛ e je wɔ kɛ je Filisti bi ɔmɛ a dɛ mi.”

Samuel I, 7:5

Kɛkɛ nɛ Samuel de ke, “Nyɛ bua Israel ma a tsuo nya ngɛ Mizpa, nɛ ma kpa Yawɛ pɛɛ ha mɛ ngɛ lejɛ ɔ.”

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Mose IV, 21:7

Kɛkɛ nɛ ma a ba Mose ngɔ, nɛ a ba de ke, “Wa pee yayami kaa wa tu munyu kɛ si Yawɛ, kɛ mo hulɔ. Mo kpa Yawɛ pɛɛ nɛ e ba je sinɔ ɔmɛ kɛ je wa kpɛti.” Kɛkɛ nɛ Mose kpa pɛɛ ha ma a,

Samuel I, 12:13

“Lɔ ɔ he ɔ, ne matsɛ ɔ nɛ nyɛ hla a; nyɛ bi ke a ha nyɛ matsɛ, nɛ Yawɛ ngɔ lɛ ngɔ ha nyɛ.

Samuel I, 12:17

Anɛ pi ngma kpami be ji nɛ ɔ? Se ma tsɛ Yawɛ nɛ e ma ha hiɔwe ma si, nɛ hiɔmi maa nɛ konɛ nyɛ na nyɛɛ le kaa nyɛ pee Yawɛ yayami agbo kaa nyɛ bi ke a ha nyɛ matsɛ.”

Samuel I, 12:20

Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.

Hiob 37:13

Mawu haa hiɔmi nɛɛ, konɛ nyu nɛ ba zugba a nɔ; e haa hiɔmi nɛɛ nɛ e kɛ gblaa nimli adesahi a tue, aloo nɛ e kɛ naa mɛ mɔbɔ.

Yeremia 27:18

Ke gbali ji mɛ niinɛ, nɛ a na ye sɛ gbi ɔ, ha nɛ a fa kue ha imi Yawɛ Tabohiatsɛ ɔ mohu, konɛ ma ko ngmɛ blɔ nɛ a ba muɔ juetli nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem kɛ ho Babilonia ya.”

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Mose II, 32:30

E nɔ jena a, Mose de ma a ke, “Nyɛ pee yayami agbo. Se kɛ̃, ma kuɔ yo ɔ kɛ ya Yawɛ ngɔ, kaa alini e maa nu ye gbi, nɛ e maa ngɔ nyɛ he yayami ɔ ngɔ pa nyɛ lo.”

Samuel I, 8:6

Se e ngɔɛ Samuel nya kaa ni ɔmɛ bi ke a ha mɛ matsɛ. Lɔ ɔ he ɔ, Samuel fa kue ha Yawɛ;

Yeremia 37:3

Matsɛ Zedekia tsɔ Yehukal, Shelemia bi ɔ, kɛ osɔfo Zefania, Maaseya bi ɔ kɛ ba ye ngɔ ke a ba de mi nɛ ma kpa Yawɛ, wa Mawu ɔ pɛɛ ha wa ma a.