Samuel I, 11:5 - BAIBLO ALOO NGMAMI KLƆUKLƆU Ɔ

⁵ Se benɛ a maa hyɛ ɔ, Saul ji nɛ ɔ nɛ e nyɛɛ e nahi a se kɛ je ngmɔ mi kɛ ma. Saul bi ke, “Mɛni ba loko ma a tsuo wo yana kikɛ nɛ ɔ?” A de lɛ sɛ gbi nɛ tsɔli ɔmɛ hɛɛ kɛ je Yabesh kɛ ba a.

Samuel I, 11:5 ပူးပေါင်းရင်းမြစ်များ

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Matsɛmɛ I, 19:19

Eliya je lejɛ ɔ, nɛ e ya na Elisha nɛ e kɛ na blablɛhi ngɛ hue; na blablɛ nyɔngma kɛ kake ngɛ e hɛ mi, nɛ lɛ nitsɛ e kɛ na blablɛ nyɔngma kɛ enyɔne ngɛ hue. Eliya je tade klɔii ɔ ngɛ e he, nɛ e ngɔ wo Elisha.

La 78:71

E je lɛ kɛ je to yihi, kɛ a bi tsɔwitsɔwihi a se. E wo lɛ matsɛ ngɛ Israel, konɛ e hyɛ lɛ, Mawu ɔ e ma a nɔ kaa bɔ nɛ to hyɛlɔ tsɔɔ to ɔ.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Manyadali 18:23

Benɛ a ya na mɛ ɔ, a kpa ngmlaa kɛ tsɛ Dan bi ɔmɛ a yi se. Nɛ mɛ hu a plɛ, nɛ a bi Mika ke, “Mɛni ngɛ mo pee? Jije o kɛ nimli kpekpemi nɛ ɔmɛ yaa?”

Samuel I, 9:1

Benyamin no niatsɛ ko hi si. E biɛ ji Kish; e tsɛ biɛ ji Abiel; e nɛ̃ ji Zeror; e nɛnɛkasowa ji Bekorat, nɛ Bekorat hu e tsɛ biɛ ji Afia.