Samuel I, 11:11 - BAIBLO ALOO NGMAMI KLƆUKLƆU Ɔ

¹¹ E nɔ jena a, Saul gba ma a mi kɛ wo tabo etɛ a mi. Makɛ ɔ, a ya sɛ he nyɛli ɔmɛ a ta a mi, nɛ a tua Amon bi ɔmɛ. A gbe Amon hluu kɛ ya si be nɛ pu da. Ni nɛmɛ nɛ piɛ ɔ gbɛ fĩa, nɛ o be a ti nihi enyɔ po nae ngɛ he kake.

Samuel I, 11:11 ပူးပေါင်းရင်းမြစ်များ

Manyadali 7:16

E dla nyumuhi lafa etɛ ɔmɛ kɛ wo kuu etɛ mi, nɛ e ha nɔ tsuaa nɔ titimati, kɛ kplu mi gu nɛ jatɛ hɔɔ si ngɛ mi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

Samuel I, 11:2

Se Nahash de mɛ ke, “Loko i kɛ nyɛ maa so ɔ, ma ta nɔ tsuaa nɔ hiɔ hɛngmɛ, nɛ i kɛ nɔ́ nɛ ɔ ma pue Israel tsuo hɛ mi si.”

Manyadali 9:43

e dla e we bi ɔmɛ a mi kuu etɛ, nɛ e ngɔ mɛ kɛ ya wo ka ngɛ nga a nɔ. Benɛ e na kaa ni ɔmɛ je ma a mi kɛ ma a, e je kpo ya tua mɛ.

Manyadali 4:16

Barak nyɛɛ ta zugba lɛ ɔmɛ, kɛ tabo ɔ a se kɛ ya su Haroshet ngɛ ma je li ɔmɛ a zugba a nɔ tɔɔ. Sisera ta buli ɔmɛ tsuo nɔ ngɛ klaate nya; e píɛ nɔ kake po.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Manyadali 7:20

Kɛkɛ nɛ kuu etɛ ɔmɛ tsuo kpa titimati ɔmɛ, nɛ mɛ hu a ywia kplu ɔmɛ. Mɛ tsuo a hɛɛ jatɛ ɔmɛ kɛ a muɔ nine, nɛ a kɛ a hiɔ nine hɛɛ titimati ɔmɛ. A kpa titimati ɔmɛ kɛ he ose nɛ a de ke, “Yawɛ kɛ Gideon ta hwumi klaate ɔ ji nɛ ɔ nɛ!”

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”

Samuel I, 14:47

Benɛ Saul ye Israel nɔ matsɛ ɔ, e kɛ he nyɛli tsuo nɛ bɔle lɛ kɛ kpe ɔ hwu ta: mɛ ji Moab bi, Amon bi, Edom bi, Zoba matsɛmɛ ɔmɛ, kɛ Filisti bi. Nɛ he tsuaa he nɛ e ma gba ta kɛ gu ɔ, e yeɔ kunimi.