Samuel I, 10:8 - BAIBLO ALOO NGMAMI KLƆUKLƆU Ɔ

⁸ O maa sɛ ye hlami kɛ ho Gilgal ya. Ma ba na mo ngɛ lejɛ ɔ, nɛ ma sã sami bɔ, kɛ tue mi jɔmi bɔ. O maa mlɛ mi ngɛ lejɛ ɔ ligbi kpaago kɛ yaa si ma ba nɛ ma ba tsɔɔ mo nɔ́ nɛ o pee.”

Samuel I, 10:8 ပူးပေါင်းရင်းမြစ်များ

Samuel II, 19:16

Jamɛ a be ɔ nɔuu ɔ, Benyamin no ɔ nɛ a tsɛɛ lɛ Shimei, nɛ ji Gera nɛ je Bahurim binyumu ɔ he sɔ nɛ e kɛ Yuda bi ɔmɛ ho, nɛ lɛ hu e ya kpee Matsɛ David.

Mose III, 3:9

Jehanɛ, lohwe ɔ nɛ a kɛ maa sã tue mi jɔmi bɔ ɔ, a ngɔ e he ní nɛ ɔmɛ kɛ sã bɔ nɛ a kɛ la sãã ha Yawɛ: zɔ ɔ kɛ e hlemi ɔ kulaa nɛ a je kɛ je e se tso ɔ he ɔ, zɔ ɔ tsuo nɛ ha e mi ní ɔmɛ a he ɔ,

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Samuel I, 13:4

Israel tsuo nu kaa Saul gbe Filisti bi a nyatsɛ ɔ, nɛ nɔ́ nɛ ɔ ha Filisti bi ɔmɛ a hɛ dɔ wo mɛ. Lɔ ɔ he ɔ, ma a bua a he nya, nɛ a bu Saul nɔ kɛ ho Gilgal ya.

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.