Samuel I, 10:5 - BAIBLO ALOO NGMAMI KLƆUKLƆU Ɔ

⁵ Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Samuel I, 10:5 ပူးပေါင်းရင်းမြစ်များ

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Matsɛmɛ II, 2:3

Kɛkɛ nɛ gbali a kuu ɔ nɛ ngɛ Betel ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:5

Kɛkɛ nɛ gbali a kuu ɔ nɛ ngɛ Yeriko ɔ ba Elisha ngɔ, nɛ a ba bi lɛ ke, “Anɛ o le kaa mwɔnɛ ligbi nɛ ɔ, Yawɛ maa ngɔ o nyɔmtsɛ ɔ kɛ je o he lo?” Elisha he nɔ ke, “Ee, i le; nyɛ ma nyɛ nya!”

Matsɛmɛ II, 2:7

nɛ gbali a kuu ɔ mi nihi nyingmi enuɔ nyɛɛ a se. Eliya kɛ Elisha ya da si ngɛ Yordan pa a nya, nɛ gbali nyingmi enuɔ ɔmɛ hu ho ya da si ngɛ a se, nɛ blɔ bɔɔ ngɛ a kpɛti.

Matsɛmɛ II, 3:15

Se kɛ̃ nyɛ hla saku fialɔ ko ha mi.” Benɛ saku fialɔ ɔ ngɛ e saku ɔ fiae ɔ, Yawɛ he wami ɔ ba Elisha nɔ,

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Matsɛmɛ II, 6:1

Ligbi ko ɔ, gbali a kuu ɔ nɛ Elisha ngɛ a nɔ hyɛe ɔ de lɛ ke, “Hyɛ, he nɛ wa ngɛ nɛ ɔ klee we ha wɔ hu.

Kronika I, 11:16

Jamɛ a be ɔ, David ngɛ tɛ puɔ ɔ mi, nɛ Filisti tabo ɔmɛ ekomɛ hu ngɛ Betlehem.

Kronika I, 13:8

Jamɛ a be ɔ mi ɔ, David kɛ Israel ma a tsuo ngɛ lae nɛ a ngɛ doe kɛ a he wami tsuo kɛ ngɛ Mawu hɛ mi nyami woe. A la, nɛ a fiɛ do, nɛ a fia saku slɔɔtohi, kpa sakuhi, ngmlɛhi, kɛ gɔgɔhi; nɛ a kpa titimatihi.

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika I, 16:5

Asaf ji a nyatsɛ, nɛ e he piɛlɔ ji Zakaria. Yeyel, Shemiramot, Yehiel, Metitia, Eliab, Benaya, Obed Edom, kɛ Yeyel maa fia kpa saku. Asaf maa fia ngmlɛ,

La 49:4

Ma bu tue nɛ ma nu abɛ ko, nɛ ma fia kpa saku kɛ tsɔɔ nya.

La 92:3

A fia kpa saku, kɛ saku kpahi nɛ a la kɛ to he.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

Samuel I, 10:10

Benɛ Saul kɛ e tsɔlɔ ɔ ya su Gibea a, e kɛ gbali a kuu ko kpe; nɛ tlukaa a, Mawu mumi ɔ ba e nɔ, nɛ e kɛ mɛ bɔni domi, kɛ huhui kpami.

Samuel I, 10:4

Ke nyɛɛ kɛ mɛ kpe ɔ, a ma fɔ mo, nɛ a ma ha mo abolo bɔbɔɛ enyɔ. Ke a ha mo ɔ, he ngɛ a dɛ.

Samuel I, 13:2

e hla nyumuhi akpe etɛ kɛ je Israel bi ɔmɛ a kpɛti; e kɛ akpe enyɔ hi Mikmash kɛ Betel yo ɔ nɔ, nɛ e binyumu Yonatan hu kɛ akpe hi Gibea ngɛ Benyamin. Ni nɛmɛ nɛ piɛ ɔ, Saul wo mɛ blɔ kɛ ho a wehi a mi ya.

Samuel I, 13:3

Yonatan ya gbe Filisti bi a nyatsɛ ɔ nɛ ngɛ Geba a, nɛ Filisti bi ɔmɛ tsuo nu he. Kɛkɛ nɛ Saul ha nɛ a kpa titimati kɛ kpa zugba a nɔ tsuo kɛ tsɛ Hebri bi ɔmɛ kɛ ha ta hwumi.

Samuel I, 19:20

e tsɔ nihi ke a ya nu lɛ kɛ ba. Se benɛ tsɔli ɔmɛ na gbali a kuu ɔ nɛ a ngɛ doe, nɛ a ngɛ huhui kpae, nɛ Samuel hu ngɛ a kpɛti kaa a nyatsɛ ɔ, Mawu mumi ɔ ba Saul tsɔli ɔmɛ a nɔ, nɛ mɛ hu a bɔni domi kɛ huhui kpami.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”