Samuel I, 10:25 - BAIBLO ALOO NGMAMI KLƆUKLƆU Ɔ

²⁵ Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

Samuel I, 10:25 ပူးပေါင်းရင်းမြစ်များ

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

1 Timoteo 2:2

Nyɛɛ sɔle ha matsɛmɛ, kɛ nihi tsuo nɛ hɛɛ blɔ nya, konɛ wɔ nɛ wa ji Kristo we bi ɔ, waa pee wa he kpoo, nɛ waa hi si ngɛ tue mi jɔmi mi. Waa ye Mawu gbeye saminya, nɛ waa ba wa je mi bɔ nɛ sa.

Mose V, 31:26

“Nyɛɛ ngɔ Mawu mlaa womi nɛ ɔ nɛ nyɛ ngɔ to Yawɛ, nyɛ Mawu ɔ somi daka a kasa nya, nɛ e hi lejɛ ɔ, nɛ e ye odase kɛ si ma a.

Samuel I, 8:9

Lɔ ɔ he ɔ, moo pee ha mɛ kaa bɔ nɛ a ngɛ hlae ɔ, se mohu o ka a hɛ mi saminya, nɛ o tsɔɔ mɛ nɛ a le bɔ nɛ matsɛ nɛ maa ye a nɔ ɔ, kɛ ma a maa hi si ha.”

Samuel I, 11:14

Enɛ ɔ se ɔ, Samuel de ma a ke, “Nyɛ ha waa ya Gilgal nɛ wa ya ma matsɛ yemi ɔ nɔ mi ngɛ lejɛ ɔ.”

Matsɛmɛ II, 11:17

Yehoyada ha Matsɛ Yoash, kɛ ma a kɛ Yawɛ so kaa a maa pee Yawɛ ma. Jehanɛ, e ha nɛ matsɛ ɔ kɛ ma a hu so.

Yoshua 22:6

Yoshua gbaa mɛ, nɛ e wo mɛ blɔ. E de mɛ ke, “Nyɛ pee kplɔkɔtɔtsɛmɛ kɛ yaa we; nyɛ ngɛ nahi babauu, sika hiɔ, sika tsu, akɔblee, dade, kɛ heha ní babauu. Ke nyɛ ya su ɔ, nyɛɛ kɛ nyɛ nyɛmimɛ ɔmɛ nɛ dla ní ɔmɛ tsuo nɛ nyɛ kpɔ ngɛ nyɛ he nyɛli ɔmɛ a dɛ ɔ.” Lɔ ɔ se ɔ, a pue blɔ kɛ ho we ya. Mose ha Manase wɛtso fa kake zugba ngɛ Yordan beleku je momo. Wɛtso fa a nɛ piɛ ɔ lɛɛ Yoshua ha mɛ zugba ngɛ a nyɛmimɛ ɔmɛ a kpɛti, ngɛ Yordan pa a bonyoku je.