Samuel I, 10:24 - BAIBLO ALOO NGMAMI KLƆUKLƆU Ɔ

²⁴ Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”

Samuel I, 10:24 ပူးပေါင်းရင်းမြစ်များ

Matsɛmɛ I, 1:39

Benɛ a su Gihon ɔ, osɔfo Zadok ya ngɔ nu kɛ koli ɔ ngɛ kpe he bo tsu ɔ mi, nɛ e pɔ Salomo nu. Lɔ ɔ se ɔ, a kpa titimati; nɛ ma a tsuo he ose ke, “Matsɛ Salomo yi nɛ na wami oo!”

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Samuel II, 21:6

Enɛ ɔ he je ɔ, á ngɔ nɔmlɔ nɛ ɔ binyumuhi kpaago ba ha wɔ nɛ waa sɛu mɛ ngɛ Yawɛ hɛ mi ngɛ Gibeon, ngɛ Yawɛ yo ɔ nɔ.” Matsɛ ɔ he nɔ ke, “Yoo, ma ngɔ mɛ ba ha nyɛ.”

Mose V, 17:15

Nyɛɛ hyɛ saminya, konɛ nɔ nɛ nyɛ ngɛ hlae kaa e ye matsɛ ɔ, e pee nɔ nɛ Yawɛ hla. E pee nyɛ ma mi no; nyɛ ko ngɔ nubwɔ kɛ to matsɛ nɛ e ye nyɛ nɔ.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Matsɛmɛ I, 1:34

nɛ osɔfo Zadok, kɛ gbalɔ Natan nɛ a pɔ lɛ nu ngɛ lejɛ ɔ, nɛ a wo lɛ matsɛ, nɛ e ye Israel nɔ. Lɔ ɔ se ɔ, nyɛ kpa titimati, nɛ nyɛ he ose ke, ‘Matsɛ Salomo yi nɛ na wami!’

Matsɛmɛ I, 1:21

Ke o pee we ja, nɛ hwɔɔ se o ba gbo ɔ, a kɛ imi, kɛ ye bi Salomo maa ye kaa nɔ se blɔ tsɔɔli.”

Samuel I, 9:2

Kish ngɛ binyumu ko nɛ a tsɛɛ lɛ Saul. E ji niheyo nɛ he ngɛ fɛu saminya, nɛ nyumu ko nyumu ko be Israel nɛ ka, nɛ e he hu ngɛ fɛu kɛ lɛ sɔ.

Samuel I, 12:1

Jehanɛ Samuel de Israel tsuo ke, “Nɔ́ nɛ nyɛ bi mi ɔ, i pee ha nyɛ; i wo matsɛ ha nyɛ.

Samuel I, 12:13

“Lɔ ɔ he ɔ, ne matsɛ ɔ nɛ nyɛ hla a; nyɛ bi ke a ha nyɛ matsɛ, nɛ Yawɛ ngɔ lɛ ngɔ ha nyɛ.

Samuel II, 16:16

Benɛ David huɛ Hushai, Arki no ɔ ba su Absalom ngɔ ɔ, e hwɔ lele, nɛ e de ke, “Manye oo, manye! Manye oo, manye!”

Kronika II, 23:11

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ ngɔ wo e dɛ mi. Bɔ nɛ a pee kɛ wo lɛ matsɛ ji nɛ ɔ nɛ. Yehoyada kɛ e binyumu ɔmɛ pɔ Yoash nu, nɛ ma a he ose ke, “Matsɛ yi nɛ na wa oo!”

Samuel I, 11:15

Ma a tsuo ho nɛ a ya wo Saul matsɛ ngɛ Gilgal ngɛ Yawɛ hɛ mi. A sã tue mi jɔmi bɔhi ngɛ Yawɛ hɛ mi ngɛ lejɛ ɔ, nɛ Saul kɛ Israel ma a tsuo nyá babauu.