Samuel I, 10:23 - BAIBLO ALOO NGMAMI KLƆUKLƆU Ɔ

²³ Lɔ ɔ he ɔ, a tu fo nɛ a ya nu lɛ kɛ ba. Benɛ e daa si ngɛ ni ɔmɛ a kpɛti ɔ, a na kaa e ka pe nɔ tsuaa nɔ.

Samuel I, 10:23 ပူးပေါင်းရင်းမြစ်များ

Samuel I, 9:2

Kish ngɛ binyumu ko nɛ a tsɛɛ lɛ Saul. E ji niheyo nɛ he ngɛ fɛu saminya, nɛ nyumu ko nyumu ko be Israel nɛ ka, nɛ e he hu ngɛ fɛu kɛ lɛ sɔ.

Samuel I, 17:4

Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Samuel I, 9:1

Benyamin no niatsɛ ko hi si. E biɛ ji Kish; e tsɛ biɛ ji Abiel; e nɛ̃ ji Zeror; e nɛnɛkasowa ji Bekorat, nɛ Bekorat hu e tsɛ biɛ ji Afia.