Samuel I, 10:21 - BAIBLO ALOO NGMAMI KLƆUKLƆU Ɔ

²¹ Jehanɛ Samuel ha Benyamin wɛtso ɔ ba weku nya weku nya, nɛ a fɔ sɔ kɛ hla Matri weku ɔ. Nyagbe ɔ, nyumuhi nɛ je Matri weku ɔ mi hu ba kakaaka, nɛ a fɔ sɔ kɛ hla Saul, Kish binyumu ɔ. Se benɛ a ngɛ lɛ hlae ɔ, a nɛ lɛ.

Samuel I, 10:21 ပူးပေါင်းရင်းမြစ်များ

Ni Tsumi 13:21

Jehanɛ a bi ke a to matsɛ ha mɛ, nɛ Mawu ngɔ Kish bi Saulo, nyumu ko nɛ je Benyamin wɛtso ɔ mi ɔ ngɔ ha mɛ; nɛ e ye a nɔ jeha nyingmi eywiɛ.

Samuel I, 10:20

Samuel tsɛ wɛtso ɔmɛ tsuo kɛ ba Yawɛ hɛ mi, nɛ a fɔ sɔ kɛ hla Benyamin wɛtso ɔ.

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”

Samuel II, 3:19

Abner kɛ Benyamin wɛtso ɔ hu ya na ní sɛɛmi. Lɔ ɔ se ɔ, e ya Hebron nɛ e ya bɔ David nɔ́ tsuaa nɔ́ nɛ Israel kɛ Benyamin we ɔ wo si ke a maa pee ɔ.

Yona 1:7

Lɛ mi bi ɔmɛ de a he ke, “Nyɛ ha nɛ waa fɔ sɔ, nɛ wa kɛ hla nɔ nɛ kɛ amanehlu nɛ ɔ ba wa nɔ.” A pee ja, nɛ sɔ ɔ ya nɔ Yona nɔ.

Samuel I, 9:2

Kish ngɛ binyumu ko nɛ a tsɛɛ lɛ Saul. E ji niheyo nɛ he ngɛ fɛu saminya, nɛ nyumu ko nyumu ko be Israel nɛ ka, nɛ e he hu ngɛ fɛu kɛ lɛ sɔ.

Abɛ Womi 18:18

Ke ni nguahi enyɔ ngɛ nɔ́ he huae ɔ, ja a fɔ sɔ kɛ buá sane ɔ he, loko pɛ ɔ maa jɔ.