Samuel I, 10:19 - BAIBLO ALOO NGMAMI KLƆUKLƆU Ɔ

¹⁹ Imi ji nyɛ Mawu nɛ jeɔ nyɛ kɛ jeɔ haomi, kɛ nɔ́ nami tsuo mi. Se mwɔnɛ ɔ, nyɛ kua mi, nɛ nyɛ bi ke ma ha nyɛ matsɛ. Yoo, nyɛ ba bua nyɛ he nya wɛtso nya wɛtso nya, kɛ weku nya weku nya ngɛ Yawɛ hɛ mi.’ ”

Samuel I, 10:19 ပူးပေါင်းရင်းမြစ်များ

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.

Samuel I, 8:19

Se ma a bui Samuel tue; mohu ɔ, a de ke, “Dɛbi, ja wa ná matsɛ nɛ ye wa nɔ

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mose IV, 17:2

“De Israel bi ɔmɛ nɛ a kɛ dɛma tso nyɔngma kɛ enyɔ nɛ ba; wɛtsoyi tsuaa wɛtsoyi nɛ ngɔ dɛma tso kake kɛ ba. Ngmaa nɔ tsuaa nɔ biɛ ngɛ e tso he.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mose V, 17:14

“Ke nyɛ ya ngɔ zugba a nɛ Yawɛ, nyɛ Mawu ɔ ngɛ nyɛ hae ɔ, nɛ e ba pee nyɛ nɔ ɔ, nyɛ ma de ke nyɛ maa wo matsɛ kaa bɔ nɛ ma amɛ nɛ bɔle nyɛ ɔ tsuo pee ɔ.

Manyadali 8:23

Gideon de mɛ ke, “I be nyɛ nɔ yee, nɛ ye binyumu ko hu be nyɛ nɔ yee; Yawɛ nitsɛ ji nɔ nɛ maa ye nyɛ nɔ.”

Samuel I, 10:20

Samuel tsɛ wɛtso ɔmɛ tsuo kɛ ba Yawɛ hɛ mi, nɛ a fɔ sɔ kɛ hla Benyamin wɛtso ɔ.

Samuel I, 14:23

kɛ ya po mi ngɛ Bet Aven tɔɔ. Yawɛ he Israel yi wami jamɛ a ligbi ɔ.

Samuel I, 14:38

Kɛkɛ nɛ Saul de ma nikɔtɔma amɛ ke, “Nyɛ tsuo nyɛɛ ba hiɛ ɔ nɛ nyɛ ba hyɛ kaa nɔ ko pee yayami mwɔnɛ ɔ lo.

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Samuel I, 3:21

Yawɛ ya nɔ nɛ e je e he kpo ngɛ Shilo, he nɛ e kɛ Samuel tu munyu ngɛ ɔ. Nɛ ke Samuel tu munyu ɔ, Israel tsuo buɔ lɛ tue.

Samuel I, 4:1

Jamɛ a be ɔ, Filisti bi ɔmɛ ya bua a he nya ngɛ Afek, konɛ a ya tua Israel bi ɔmɛ. Israel bi ɔmɛ hu ya bua a he nya ngɛ Ebenezer, konɛ a kɛ mɛ nɛ hwu.

Samuel I, 8:5

nɛ a de lɛ ke, “O nɛ, o bwɔ, nɛ o binyumu ɔmɛ ya wo we o nane; lɔ ɔ he ɔ, moo wo matsɛ ha wɔ nɛ e ye wa nɔ kaa bɔ nɛ je ma kpa amɛ ngɛ ɔ.”