Samuel I, 10:18 - BAIBLO ALOO NGMAMI KLƆUKLƆU Ɔ

¹⁸ nɛ e de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Imi lɛ i kpaka nyɛ kɛ je Egipt kɛ ba. Imi lɛ i kpɔ nyɛ ngɛ Egipt bi ɔmɛ, kɛ ma kpa amɛ tsuo nɛ ngɛ nyɛ yi mi wae ɔ a dɛ mi.

Samuel I, 10:18 ပူးပေါင်းရင်းမြစ်များ

Mose II, 29:46

A ma na maa le kaa imi ji Yawɛ, a Mawu ɔ, nɔ nɛ je mɛ kɛ je Egipt zugba a nɔ ɔ, konɛ ma hi a kpɛti. Imi ji Yawɛ, a Mawu ɔ nɛ.

Mose IV, 10:9

Ke he nyɛli ba tua nyɛ ngɛ nyɛ nitsɛmɛ nyɛ zugba nɔ, nɛ e ba mi kaa nyɛ gba ta kɛ fa nyɛ he ɔ, nyɛ kpa titimati ɔmɛ, nɛ nyɛ he ose. Kɛkɛ ɔ, Yawɛ, nyɛ Mawu ɔ ma kai nyɛ, nɛ e ma kpɔ nyɛ kɛ je nyɛ he nyɛli ɔmɛ a dɛ mi.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Samuel I, 12:8

Benɛ Yakob kɛ e bimɛ ɔmɛ ya Egipt, nɛ Egipt bi ɔmɛ ngɛ mɛ yi mi wae ɔ, nyɛ nɛmɛ ɔmɛ fa kue ha Yawɛ, nɛ e tsɔ Mose kɛ Aaron nɛ a ya je mɛ kɛ je Egipt kɛ ba hiɛmɛ nɛ ɔ.