Samuel I, 10:12 - BAIBLO ALOO NGMAMI KLƆUKLƆU Ɔ

¹² Kɛkɛ nɛ nɔ ko nɛ je lejɛ ɔ bi ke, “Gbali kpa amɛ ɔ, mɛnɔ bimɛ ji mɛ?” Nɛ nɔ́ nɛ ɔ ba pee nɔ́ ko nɛ a kɛ tuɔ munyu ke, “Anɛ Saul hu ba plɛ pee gbalɔ lo?”

Samuel I, 10:12 ပူးပေါင်းရင်းမြစ်များ

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Yohane 7:16

Yesu he nɔ ke, “Nɔ́ nɛ i ngɛ nyɛ tsɔɔe ɔ ji imi nitsɛ ye yi mi; nɔ nɛ tsɔ mi ɔ nɛ ngɔ ha mi.

Samuel I, 10:13

Benɛ Saul do nɛ e kpa huhui ɔ se ɔ, e pue nɔ kɛ ho we mi ya.

Samuel I, 19:23

Benɛ e je lejɛ ɔ kɛ yaa Nayot ngɛ Rama a, Mawu mumi ɔ ba lɛ hu e nɔ; nɛ e do nɛ e kpa huhui kɛ nyɛɛ blɔ ɔ nɔ kɛ ya su Nayot.

Samuel I, 19:24

E jé e he tade ɔmɛ, nɛ e do nɛ e kpa huhui ngɛ Samuel hɛ mi, nɛ e hɛɛ e he gu jamɛ a ligbi ɔ piani kɛ nyɔ mi tsuo. Nɛ nɔ́ nɛ ɔ ba pee nɔ́ ko nɛ a kɛ tuɔ munyu “Anɛ Saul hu ba plɛ pee gbalɔ lo?”