Samuel I, 10:11 - BAIBLO ALOO NGMAMI KLƆUKLƆU Ɔ

¹¹ Benɛ nihi nɛ le lɛ saminya a na e ní peepee ngɛ gbali ɔmɛ a kpɛti ɔ, a bi a he ke, “Mɛni lɛ ba Kish binyumu ɔ nɔ? Anɛ Saul hu ba plɛ pee gbalɔ lo?”

Samuel I, 10:11 ပူးပေါင်းရင်းမြစ်များ

Yohane 7:15

Yuda bi ɔmɛ a hɛ mi pee mɛ yaa, nɛ a bi ke, “Nɔmlɔ nɛ kase we ní ɔ, kɛ peeɔ kɛɛ nɛ e le ní kikɛ nɛ ɔ.”

Samuel I, 19:24

E jé e he tade ɔmɛ, nɛ e do nɛ e kpa huhui ngɛ Samuel hɛ mi, nɛ e hɛɛ e he gu jamɛ a ligbi ɔ piani kɛ nyɔ mi tsuo. Nɛ nɔ́ nɛ ɔ ba pee nɔ́ ko nɛ a kɛ tuɔ munyu “Anɛ Saul hu ba plɛ pee gbalɔ lo?”

Ni Tsumi 9:21

Nihi tsuo nɛ nu nɛ e ngɛ fiɛe ɔ, a nya kpɛ a he, nɛ a de ke, “Anɛ pi nyumu nɛ ɔ nɛ gbe Yesu se nyɛɛli basabasa ngɛ Yerusalem ɔ? Hiɛ ɔ tete nɛ e ba nɛ ɔ, anɛ pi jamɛ a nyɛɛmi ɔ nɔuu nɔ nɛ e ngɛ, konɛ e ba nuu mɛ nɛ e ngɔ mɛ kɛ ya ha osɔfo nikɔtɔma amɛ lo?”

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Ni Tsumi 3:10

Benɛ a kpá si kaa lɛ ji nɔ nɛ jinɛ e hii si ngɛ sɔlemi we ɔ Agbo Saminyayoo ɔ nya, nɛ e hii nɔ́ bae ɔ, a he mi po, nɛ a nya kpɛ a he saminya ngɛ nɔ́ nɛ ba a he.

Amos 7:14

Kɛkɛ nɛ Amos he nɔ nɛ e de Amazia ke, “Pi gbalɔ ji mi, nɛ pi gbalɔ bi ji mi hulɔ. To hyɛlɔ ji mi, nɛ i tsuɔ ngmɔkɔ tso he ní.

Amos 7:15

Se Yawɛ je mi kɛ je to ɔmɛ a he, nɛ e tsɔ mi ke ma ngɔ sɛ gbi ya ha e ma Israel.