Samuel I, 1:5 - BAIBLO ALOO NGMAMI KLƆUKLƆU Ɔ

⁵ Se Hana lɛɛ, e jeɔ blɔ haa lɛ e nɔ́ pɔtɛɛ; ejakaa Yawɛ tsi e fɔmi nya mohu, se e huno ɔ suɔ lɛ saminya.

Samuel I, 1:5 ပူးပေါင်းရင်းမြစ်များ

Mose I, 11:30

Se Sarai lɛɛ yosa ji lɛ; e fɔ we.

Mose I, 16:1

Abram yo Sarai ɔ fɔ we ha lɛ. Se e ngɛ mawayo ko nɛ je Egipt. A tsɛɛ lɛ Hagar.

Mose I, 30:1

Benɛ Rahel na kaa e fɔ we ha Yakob ɔ, e hɛ kɔ̃ e nyɛmiyo ɔ nɔ, nɛ e de Yakob ke, “Ha mi bimɛ, ke pi ja a, ma gbo.”

Mose I, 30:2

Yakob mi mi fu lɛ wawɛɛ nitsɛ, nɛ e bi lɛ ke, “Anɛ Mawu ji mi lo? Lɛ ji nɔ nɛ tsi o fɔmi nya a nɛ.”

Mose I, 43:34

A gba ní kɛ je Yosef okplɔɔ ɔ he ya ha e nyɛmimɛ ɔmɛ, nɛ Benyamin nɔ́ ɔ hiɛ pe a ti nɔ tsuaa nɔ nɔ́ si enuɔ. A kɛ Yosef ye ní, nɛ a nu ní kɛ ya si mɛ tsuo a de dã.

Mose I, 45:22

Jehanɛ e ha a ti nɔ tsuaa nɔ he dlami tade kakaaka; se Benyamin lɛɛ, e ha lɛ sika hiɔ yi lafa etɛ kɛ he dlami tade enuɔ.

Mose V, 21:15

“Waa ngɔ lɛ kaa nyumu ko ngɛ yihi enyɔ, nɛ e suɔ nɔ kake saminya, se e sume nɔ kake sane tsɔ, nɛ e kɛ mɛ ni enyɔ ɔmɛ tsuo fɔ binyumuhi, se yo ɔ nɛ e sume lɛ tsɔ ɔ bi ji bi nɔkɔtɔma.