Samuel I, 1:3 - BAIBLO ALOO NGMAMI KLƆUKLƆU Ɔ

³ Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.

Samuel I, 1:3 ပူးပေါင်းရင်းမြစ်များ

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Mose II, 23:14

“Moo ye nyami be slɔɔto etɛ ha mi ngɛ jeha mi.

Mose II, 23:17

Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, o Mawu ɔ, ye hɛ mi.

Mose II, 34:23

“Daa jeha a, o ma a mi nyumu ɔmɛ tsuo nɛ a ba bua si etɛ ngɛ imi Yawɛ, Israel Mawu ɔ, ye hɛ mi.

Luka 2:41

Daa jeha a, Yesu fɔli ɔmɛ yaa Yerusalem ya yeɔ Hetsɔmi nyami ɔ.

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Manyadali 18:31

Lɔ ɔ he ɔ, a ngɔ amaga a nɛ Mika pee ɔ kɛ ma si, nɛ a ja lɛ ligbi ɔmɛ tsuo nɛ a Mawu we ɔ ngɛ Shilo ɔ.

Manyadali 21:19

Kɛkɛ nɛ a kai kaa daa jeha a, a yeɔ Yawɛ nyami ligbi ko ngɛ Shilo nɛ ngɛ Lebona kɛ Betel a kpɛti ɔ, ngɛ gbɛjegbɛ ɔ nɛ je Betel kɛ yaa Shekem ɔ beleku je ɔ.

Samuel I, 1:21

Jeha ba su ekohu, nɛ Elkana kɛ e we ɔ tsuo ho Shilo ya, konɛ a ya sã daa jeha bɔ ɔ, kɛ bɔ titli ko hu nɛ e wo Yawɛ he si ɔ.

Samuel I, 1:9

Ligbi ko, benɛ a ye ní gbe nya ngɛ Yawɛ we ɔ ngɛ Shilo ɔ, Hana te si. Aywilɛho nu lɛ, nɛ be mi nɛ e ngɛ kue fae ha Yawɛ ɔ, e fo ya gbogboogbo. Jamɛ a be ɔ, osɔfo Eli hii si ngɛ sinya a nya ngɛ Yawɛ sɔlemi we ɔ.

Samuel I, 14:3

Osɔfo Ahiya hɛɛ efɔd ɔ. Ahiya ji Ikabod nyɛminyumu Ahitub binyumu. Ahitub ji Finehas bibi, kɛ Eli nɛ ji Yawɛ osɔfo ɔ nɛ hi Shilo ɔ bibimibi. Se ma a li kaa Yonatan je a he.

Samuel I, 2:19

Daa jeha a, e nyɛ kpɛɔ tade bɔbɔyoo ko kɛ ya haa lɛ, ke e kɛ e huno ɔ ya nɛ a ya sã jeha bɔ ɔ.

Samuel I, 2:34

Nɛ nɔ́ nɛ o kɛ maa le kaa nɔ́ nɛ i de ɔ tsuo maa ba mi ji lss ma ha o binyumu enyɔ ɔmɛ nɛ ji Hofni kɛ Finehas tsuo ma gbo ligbi kake too.

Samuel I, 3:13

I de lɛ momo ke ma gbla e we ɔ tue kɛ maa ya neneene, ejakaa e le kaa e bimɛ ɔmɛ ngɛ musu bɔe kɛ ngɛ Mawu sie, se e kua we nɔ́ ha mɛ.

Samuel I, 4:11

A kpɔ Mawu somi daka a, nɛ Hofni kɛ Finehas, Eli binyumu enyɔ ɔmɛ hu gbo.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.