Samuel I, 1:24 - BAIBLO ALOO NGMAMI KLƆUKLƆU Ɔ

²⁴ Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.

Samuel I, 1:24 ပူးပေါင်းရင်းမြစ်များ

Mose I, 21:8

Jokuɛ ɔ ba wa, nɛ a tsɔ lɛ nyɔ. Ligbi ɔ nɛ a tsɔ Isak nyɔ ɔ, Abraham ngmɛ okplɔɔ ngua ko.

Matsɛmɛ I, 11:20

Hadad kɛ lɛ fɔ binyumu, nɛ e wo lɛ biɛ ke Genubat. Tapenes hyɛ jokuɛ ɔ nɔ ngɛ matsɛ we ɔ, nɛ e kɛ matsɛbinyumu ɔmɛ hi si.

Mateo 13:33

Yesu bu mɛ abɛ kpa ke, “Hiɔwe matsɛ yemi ɔ ngɛ kaa kikɛ nɛ ɔ: Yo ko ngɔ masa nɛ e kɛ futu kplolo mamu lita nyingmi eywiɛ kɛ ya su be nɛ lɛ tsuo fu.”

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.