Samuel I, 1:23 - BAIBLO ALOO NGMAMI KLƆUKLƆU Ɔ

²³ E huno Elkana de lɛ ke, “E da; nɔ́ tsuaa nɔ́ nɛ o susu kaa e hi ɔ, moo pee; hii si ngɛ hiɛ ɔ kɛ yaa si o ma tsɔ lɛ nyɔ. Yawɛ nɛ e ha nɛ o pee kaa bɔ nɛ o wo si ɔ.” Lɔ ɔ he ɔ, Hana hi si nɛ e hyɛ e bi ɔ kɛ ya si e tsɔ lɛ nyɔ.

Samuel I, 1:23 ပူးပေါင်းရင်းမြစ်များ

Samuel II, 7:25

“Lɔ ɔ he ɔ, Yawɛ Mawu, si nɛ o wo nɛ kɔɔ o tsɔlɔ, kɛ e nina a he ɔ, moo ye nɔ daa, nɛ o pee kaa bɔ nɛ o de ɔ.

Luka 11:27

Benɛ Yesu de enɛ ɔ, yo ko wo e gbi nɔ kɛ je nimli babauu ɔ a kpɛti, nɛ e de ke, “A gbaa yo nɛ fɔ mo, nɛ e lɛ mo ɔ!”

Mateo 24:19

Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.

La 22:9

Se, mo lɛ o je mi kɛ je maa muklii mi; nɛ o hyɛ ye nɔ kɛ je be mi nɛ i ngɛ nyɔ nya tɔɔ.

Samuel I, 1:17

Eli de lɛ ke, “O kɛ he jɔmi nɛ ya; Israel Mawu ɔ ma ha mo nɔ́ tsuaa nɔ́ nɛ o bi lɛ ɔ.”

Mose IV, 30:12

Se ke ligbi nɛ e huno ɔ nu he ɔ, e kplɛɛ we nɔ ɔ, lɛɛ nɔ́ tsuaa nɔ́ nɛ e kɛ e nya de, nɛ kɔɔ e si womi ɔmɛ a he, kɛ nɔ́ nɛ e kɛ fi lɛ nitsɛ e he ɔ maa pee yaka. Akɛnɛ e huno ɔ ji nɔ nɛ kplɛɛ we nɔ he je ɔ, Yawɛ kɛ e he maa ke lɛ.

Samuel I, 14:36

Jehanɛ Saul de e we bi ɔmɛ ke, “Nyɛ ha waa ho nɛ wa ya tua Filisti bi ɔmɛ nyɔ mi; waa ha a níhi kɛ yaa si mɔtu, nɛ waa gbe mɛ tsuo pɛpɛɛpɛ.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, mo pee.” Se osɔfo ɔ de ke, “Nyɛ ha wa bi Mawu ga womi lolo.”

Samuel I, 14:40

Jehanɛ Saul de Israel ma a tsuo ke, “Nyɛ ya da he kake, konɛ imi hu i kɛ ye bi Yonatan wa ya da he kake.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, moo pee.”

Matsɛmɛ I, 3:21

Mɔtu benɛ i te si nɛ ma ha ye bi ɔ nyɔ ɔ, i na kaa e gbo. Se benɛ i hyɛ lɛ saminya a, i na kaa pi ye bi ɔ.”