Samuel I, 1:19 - BAIBLO ALOO NGMAMI KLƆUKLƆU Ɔ

¹⁹ E nɔ jena a, Elkana kɛ e yi ɔmɛ, kɛ e bimɛ ɔmɛ te si mla, nɛ benɛ a ja Yawɛ ta a, a kpale a se kɛ ho a we mi ya ngɛ Rama. Elkana kɛ e yo Hana na bɔmi, nɛ Yawɛ bu Hana kue fami ɔ tue.

Samuel I, 1:19 ပူးပေါင်းရင်းမြစ်များ

Mose I, 21:1

Yawɛ gbaa Sara kaa bɔ nɛ e wo si ɔ.

Mose I, 30:22

Mawu kai Rahel hulɔ; Mawu bu e kue fami ɔ tue, nɛ e bli e muklii mi nya.

Mose I, 4:1

Adam kɛ e yo Hawa na bɔmi, nɛ Hawa ba na mi nɛ e fɔ binyumu, nɛ e wo lɛ biɛ ke Kain. Hawa de ke, “I wo lɛ kikɛmɛ a biɛ nɛ ɔ, ejakaa Yawɛ ji nɔ nɛ piɛ ye he nɛ i kɛ na binyumu nɛ ɔ nɛ.”

Mose I, 8:1

Mawu kai Noa kɛ lohwe ɔmɛ tsuo nɛ e kɛ mɛ ngɛ lɛ ɔ mi ɔ; Mawu ha nɛ kɔɔhiɔ ko ba fia, nɛ nyu ɔ bɔni miimi.

Matsɛmɛ II, 4:17

Se yo ɔ na mi, nɛ benɛ jeha ke e suu ɔ, e fɔ binyumu kaa bɔ nɛ Elisha de lɛ ɔ.

La 119:147

I teɔ si makɛ mla, nɛ i kpaa ngmlaa kɛ tsɛɔ mo ke o ba piɛ ye he. I ngɔ ye hɛ kɛ fɔ o siwo ɔ nɔ.

La 136:23

Benɛ wa yi fi wawɛɛ ɔ, lɛ nɛ e kai wɔ; ejakaa e suɔmi ɔ ngɛ kɛ yaa neneene!

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

La 55:17

Mɔtu, piani, kɛ nyɔ mi tsuo i ngɛ kɔmɔ yee, nɛ i ngɛ kɛmɛe; e maa bu mi tue kɛ̃.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.

Luka 23:42

Nɛ e de Yesu ke, “Yesu, ke o ba bɔni matsɛ yemi ɔ, kai mi!”

Yoshua 18:25

Ekomɛ hu ji Gibeon, Rama, Beerot,

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Samuel I, 15:34

Enɛ ɔ se ɔ, Samuel pue nɔ kɛ ho Rama ya, nɛ Matsɛ Saul hu kpale kɛ ho e we mi ya ngɛ Gibea.

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Samuel I, 19:18

David tu fo kɛ ho Samuel ngɔ ya ngɛ Rama, nɛ e ya bɔ lɛ nɔ́ nɛ Saul pee lɛ ɔ tsuo pɛpɛɛpɛ. David kɛ Samuel ho Nayot ya, nɛ a ya hi lejɛ ɔ.

Samuel I, 2:11

Pee se ɔ, Elkana kpale e se kɛ ho we mi ya ngɛ Rama, se jokuɛyo Samuel ɔ hi osɔfo Eli ngɔ nɛ e sɔmɔ Yawɛ.

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.

Samuel I, 8:4

Enɛ ɔ he je ɔ, Israel ma nimeli ɔmɛ ba Rama, nɛ a kɛ Samuel ba pee kpe,

Samuel I, 9:26

nɛ e hwɔ lejɛ ɔ. Makɛ ɔ, Samuel tsɛ Saul ngɛ tsu ɔ yi mi nɛ e de lɛ ke, “Tee si nɛ ma wo mo blɔ nɛ o ho.” Saul te si, nɛ e kɛ Samuel tsuo je kpo.