Rut Womi 4:4 - BAIBLO ALOO NGMAMI KLƆUKLƆU Ɔ

⁴ nɛ i susu kaa ma wo o tue nɔ. Lɔ ɔ he ɔ, ke o suɔ ɔ, kpɔ ngɛ nihi nɛ hii si ngɛ hiɛmɛ nɛ ɔ a hɛ mi. Se ke o sume ɔ, de mi; ejakaa nɔ ko be he blɔ nɛ e kpɔɔ nɔ́ nɛ ɔ kaa ja mo, nɛ o se loko imi.” Nyumu ɔ de lɛ ke, “Ma kpɔ.”

Rut Womi 4:4 ပူးပေါင်းရင်းမြစ်များ

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

2 Korintobi 8:21

Wa yi mi tomi ji kaa waa pee nɔ́ nɛ da, pi ngɛ Nyɔmtsɛ Mawu hɛ mi kɛkɛ, se ngɛ ni kpahi a hɛ mi hulɔ.

Romabi 12:17

Nyɛ ko pee nɔ ko yayami kɛ to yayami nane mi. Nyɛ ha nihi tsuo nɛ a na kaa nyɛ ngɛ nɔ́ nɛ da pee.

Yeremia 32:25

Se Nyɔmtsɛ Yawɛ lee, mo lɛ o fa mi ke ma he zugba a ngɛ odase yeli a hɛ mi, be mi nɛ o le paa kaa a ngɔ ma a kɛ wo Babilonia bi ɔmɛ a dɛ mi.”

Mose I, 23:18

Hit bi ɔmɛ tsuo nɛ kpe ngɛ ma a agbo ɔ nya a ye odase kaa, niinɛ, zugba a ba plɛ pee Abraham nɔ́.

Mose I, 23:11

“Bu tue, ye nyɔmtsɛ! I ngɔ zugba a tsuo, kɛ tɛ puɔ ɔ nɛ ngɛ zugba a mi ɔ kɛ ke mo. I ngɔ kɛ ha mo ngɛ ye ma mi bi ɔmɛ a hɛ mi ngɛ hiɛmɛ nɛ ɔ, konɛ o pu o yo ɔ ngɛ lejɛ ɔ.”

Mose V, 25:8

Ke e ba mi ja a, ma nimeli ɔmɛ nɛ a tsɛ nyumu ɔ, nɛ á tu munyu kɛ tsɔɔ lɛ. Ke e ma nɔ mi kaa e be yo ɔ ngɔe ɔ,

Rut Womi 2:20

Naomi de ke, “Yawɛ nɛ yeɔ e siwo nɔ kɛ haa hɛ kali, kɛ nihi nɛ gbo tsuo ɔ maa gbaa lɛ.” E ya nɔ nɛ e de ke, “Boaz nɛ ɔ, wa weku no pɔtɛɛ ji lɛ, nɛ kusumi nya hu e peeɔ wa nɔ hyɛlɔ.”

Rut Womi 3:9

E bi ke, “Mo mɛnɔ?” Nɛ Rut he nɔ ke, “Imi Rut, o mawayo ɔ. Akɛnɛ o weku no yalɔyo ji mi he je ɔ, e ji o blɔ nya kaa o kɛ o bo ɔ haa ye nɔ ngɛ kusumi nya kɛ tsɔɔ kaa o maa ngɔ mi.”

Rut Womi 3:12

E ngɛ mi niinɛ kaa ngɛ kusumi nya a, i ngɛ he blɔ nɛ i ngɔɔ mo nɛ i hyɛɛ o nɔ lɛɛ, se kɛ̃ ɔ nɔ ko pa ngɛ blɔ nya pe imi.