Rut Womi 4:17 - BAIBLO ALOO NGMAMI KLƆUKLƆU Ɔ

¹⁷ Nɛ huza a nɔ yi ɔmɛ de ke, “Jehanɛ lɛɛ Naomi na binyumu.” A wo jokuɛyo ɔ biɛ ke Obed. Pee se ɔ, Obed fɔ binyumu, nɛ a wo lɛ biɛ ke Ishai. Ishai nɛ ɔ ji David tsɛ.

Rut Womi 4:17 ပူးပေါင်းရင်းမြစ်များ

Rut Womi 4:16

Naomi wo jokuɛ ɔ kaa lɛ nitsɛ e bi nɛ e hyɛ lɛ.

Rut Womi 4:18

Bɔ nɛ David weku kpa ngɛ kɛ je Perez nɔ ji nɛ ɔ nɛ: Perez fɔ Hezron, nɛ Hezron fɔ Ram, nɛ Ram fɔ Aminadab, nɛ Aminadab fɔ Naashon, nɛ Naashon fɔ Salmon, nɛ Salmon fɔ Boaz, nɛ Boaz fɔ Obed, nɛ Obed fɔ Ishai, nɛ Ishai fɔ David.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.