Rut Womi 4:14 - BAIBLO ALOO NGMAMI KLƆUKLƆU Ɔ

¹⁴ Nɛ huza a nɔ yi ɔmɛ de Naomi ke, “Nyɛ ha wa je Yawɛ yi kaa e ha mo bibi mwɔnɛ ɔ nɛ e ba ye o se. Yawɛ nɛ ha nɛ e na biɛ kpakpa ngɛ Israel.

Rut Womi 4:14 ပူးပေါင်းရင်းမြစ်များ

Luka 1:58

E paka bi, kɛ e weku li nu kaa Nyɔmtsɛ ɔ gbaa lɛ babauu, nɛ a ba nɛ a kɛ lɛ ba nya.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

1 Tesalonikabi 5:18

nyɛɛ na Mawu si ngɛ nɔ́ tsuaa nɔ́ he. Nyɛ nihi nɛ nyɛ ngɛ Kristo Yesu mi ɔ, enɛ ɔ ji nɔ́ nɛ Mawu suɔ kaa nyɛɛ pee.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Mose I, 29:35

Lɔ ɔ se ɔ, e ba na mi ekohu, nɛ e fɔ binyumu. E wo lɛ biɛ ke Yuda, nɛ e de ke, “Jehanɛ lɛɛ ma je Yawɛ yi.” Kɛkɛ nɛ e po fɔmi.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”