Rut Womi 4:13 - BAIBLO ALOO NGMAMI KLƆUKLƆU Ɔ

¹³ Lɔ ɔ se ɔ, Boaz kɛ Rut ho we mi ya, nɛ e ya pee e yo. Yawɛ gbaa Rut, nɛ e ngɔ hɔ, nɛ e fɔ binyumu.

Rut Womi 4:13 ပူးပေါင်းရင်းမြစ်များ

Mose I, 33:5

Benɛ Esau na yi ɔmɛ kɛ jokuɛwi ɔmɛ ɔ, e bi ke, “Mɛnɔmɛ o kɛ nyɛɛ ɔ?” Yakob he nɔ ke, “Bimɛ nɛ Mawu kɛ dloo imi, o tsɔlɔ ɔ ji nɛ ɔmɛ nɛ.”

Mose I, 29:31

Benɛ Yawɛ na kaa Yakob sume Lea kaa bɔ nɛ e suɔ Rahel ɔ, e ha Lea fɔ bimɛ; se Rahel pee yosa.

Rut Womi 3:11

Lɔ ɔ he ɔ, ye bi, mo ko ye gbeye! Nɔ́ tsuaa nɔ́ nɛ o de ɔ, ma pee ha mo; ejakaa ye ma mi bi ɔmɛ tsuo le kaa yo kpakpa ji mo.

La 127:3

Bimɛ ji weto ní nɛ Yawɛ haa nɔ; bimɛ ji nike ní nɛ e kɛ dlooɔ nɔ.

La 113:9

E haa yosa fɔɔ bi; e plɛɔ peeɔ bimɛ a nyɛ, nɛ e bua jɔɔ e he saminya. A je Yawɛ yi.

Samuel I, 2:5

Ni nɛmɛ nɛ tɔ hyɛ ɔ, a bɔni apaa yemi nɛ a kɛ na a nya mi ngma; ni nɛmɛ nɛ hwɔ ye mɛ ɔ, a hwɔ ɔ se po. Yosa a ba fɔ bimɛ kpaago, nɛ bimɛ a nyɛ ɔ ba pee kaa yo nɛ fɔ we hyɛ.

Samuel I, 1:27

I bi Yawɛ bi nɛ ɔ, nɛ e ha mi nɔ́ nɛ i bi lɛ ɔ.

Rut Womi 4:12

Ngmɛduhi nɛ Yawɛ ma ha mo kɛ gu yo nɛ ɔ nɔ ɔ, a ha nɛ o we ɔ hɛ mi nɛ ba nyami kaa Yuda kɛ Tamar a bi Perez we ɔ.”

Mose I, 30:2

Yakob mi mi fu lɛ wawɛɛ nitsɛ, nɛ e bi lɛ ke, “Anɛ Mawu ji mi lo? Lɛ ji nɔ nɛ tsi o fɔmi nya a nɛ.”

Mose I, 25:21

Jinɛ Isak yo Rebeka a, yosa ji lɛ, se Isak kpa Yawɛ pɛɛ ha lɛ. Yawɛ bu e kue fami ɔ tue, nɛ Rebeka ba na mi.

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.