Rut Womi 4:11 - BAIBLO ALOO NGMAMI KLƆUKLƆU Ɔ

¹¹ Ma a mi bi ɔmɛ nɛ ngɛ lejɛ ɔ, kɛ ma nimeli ɔmɛ de ke, “Wa kplɛɛ nɔ, Yawɛ nɛ ha yo nɛ ɔ ba pee kaa Rahel kɛ Lea nɛ a fɔ bimɛ fuu kɛ ha Yakob ɔ. Yawɛ nɛ pee mo niatsɛ ngɛ Efrat, nɛ o biɛ nɛ pɛ ngɛ Betlehem.

Rut Womi 4:11 ပူးပေါင်းရင်းမြစ်များ

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

La 132:6

Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

Mose V, 25:9

lɛɛ e nyɛmi ɔ yalɔyo ɔ nɛ ya nyumu ɔ ngɔ ngɛ ma nimeli ɔmɛ a hɛ mi. A je nyumu ɔ tokota kake ngɛ e nane, nɛ e su lada kɛ pue nyumu ɔ hɛ mi, nɛ é de ke, ‘Bɔ nɛ a peeɔ nɔ nɛ sume nɛ e wo nina ha e nyɛminyumu ji nɛ ɔ nɛ.’

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Abɛ Womi 14:1

Yo ní lelɔ haa nɛ we bɔɔ, se yo kuasia ní peemi níhi ywiaa we.

Mose I, 23:10

Jamɛ a be ɔ mi ɔ, Efron nitsɛ hii si ngɛ Hit bi ɔmɛ a kpɛti ngɛ kpe he ɔ, ngɛ ma a agbo ɔ nya. E ha Abraham heto, nɛ nɔ tsuaa nɔ nɛ ngɛ lejɛ ɔ nu ke,

Mose I, 29:25

Yakob li kaa mamoo Lea mohu e kɛ hwɔ si ɔ, kɛ ya si mɔtu. Lɔ ɔ he ɔ, e bi Laban ke, “Mɛni o pee mi nɛ ɔ? Anɛ i tsu we ní ha we mo konɛ ma ngɔ Rahel lo? Mɛni he je mɔ nɛ o sisi mi?”

Abɛ Womi 31:23

Ke ma nimeli kpe ɔ, a toɔ e huno ɔ he hɛ saminya ngɛ a kpɛti.

Mose I, 29:16

Laban ngɛ biyihi enyɔ; a tsɛɛ nɔkɔtɔma a ke Lea, nɛ e senɔ ɔ biɛ ji Rahel.

Mose I, 35:23

Lea binyumuhi ji nɛ ɔmɛ nɛ: Ruben (Yakob bitɛte), Simeon, Levi, Yuda, Isakar, kɛ Zebulun.

Mose I, 35:24

Rahel binyumuhi ji Yosef kɛ Benyamin.

Mose V, 25:7

Se ke nyumu ɔ sume kaa e maa ngɔ e nyɛminyumu ɔ yalɔyo ɔ, lɛɛ yo ɔ nɛ e ya ma agbo ɔ nya, nɛ ya de ma nimeli ɔmɛ ke, ‘Ye huno ɔ nyɛminyumu ɔ kplɛɛ we kaa e ma tsu e blɔ nya ní: e sume kaa e ma ha e nyɛminyumu ɔ ma na ngmɛdu ngɛ Israel.’

Matsɛmɛ I, 21:8

Enɛ ɔ se ɔ, Yezebel ngma womi komɛ ngɛ Ahab biɛ mi, nɛ e ngɔ Ahab womi nya sɔumi nɔ́ ɔ kɛ sɔu a nya, nɛ e kɛ womi ɔmɛ mane Ahab tsɔli, kɛ ma nimeli nɛ ngɛ Yezreel ɔ.

Kronika I, 2:51

E bi Salma ji nɔ nɛ to Betlehem ma a sisi. E bi hu ji Haref, nɔ nɛ to Betgader ma a sisi ɔ.

Yeremia 32:10

A pee womi ngɛ zugba a juami ɔ he, nɛ i kɛ ye nine wo sisi, nɛ i sɔu nya. I tsɛ nihi odase, nɛ i ngmɛ sika a ngɛ sɛni nɔ.